河蟹

  呢篇文講網絡用語。想搵真正嘅蟹嘅話，請睇大閘蟹。

河蟹，即普通話「和諧」嘅諧音，係出自並經常出現喺中國大陸網絡上嘅網絡語言。中共推行「和諧社會」政策，喺屏蔽色情暴力信息嘅同時，亦將「不利社會和諧穩定」嘅信息強行刪除或屏蔽。

以「河蟹社會」命名嘅餐館

內地網上

喺中國大陸嘅部分論壇，「和諧」一詞本身已成為「被封禁」嘅關鍵詞。

為繞過呢個屏蔽，網民以「河蟹」或者其他諧音代替。網民重用埋繁體字同埋喺字同字之間加標點符號嘅手段，減少被「河蟹」嘅機會。同時，明朝時期用嚟諷刺嚴嵩嘅民歌《京師人為嚴嵩語》「但將冷眼觀螃蟹，看爾橫行到幾時﹁”，文中「螃蟹」亦改成「河蟹」，而喺網上流行。

大陸網民就以「河蟹」一詞代指封鎖、掩蓋負面消息、控制新聞同言論自由嘅行為，同時亦有螃蟹「橫行霸道」嘅意思。河蟹亦有逮捕之義，例如河蟹你，指中國大陸用有關部門等相關權力拉咗將一啲會因公職（例如律師）和盤透露出真相，或中國大陸唔想公佈嘅信息公佈出來嘅人，並處以莫須有罪名。