咖啡山

咖啡山
咖啡山
	聯邦直轄區吉隆坡市嘅次分區
Bukit Nanas
其他文字轉寫
• 爪夷文	بوكيت نانس‎
• 淡米爾文	புக்கிட் நனாஸ்
	佇立喺咖啡山頂嘅吉隆坡塔
; 旗幟	; 徽章
	格言：Bersedia Menyumbang, Bandar Raya Cemerlang; Ready to Contribute towards an Excellent City; 「準備為一個優秀的城市做出貢獻」
	咖啡山咖啡山咖啡山喺吉隆坡同馬來西亞嘅位置
國家	馬來西亞
聯邦直轄區	吉隆坡
選區	武吉免登
地方政府	吉隆坡市政局
政府
• 市長（英文：Mayor of Kuala Lumpur）	諾希山·阿末達蘭
時區	馬來西亞標準時間（UTC+8）
郵政編碼	50250
電話區號（英文：Telephone numbers in Malaysia）	+6-03 22
車牌	V或W
網站	www.dbkl.gov.my

咖啡山（馬來話：Bukit Nanas，英文：Weld Hill）係一座喺吉隆坡金三角入面一座大約94米高嘅小山丘，吉隆坡出名地標吉隆坡塔（KL Tower）喺山頂上面。

名嘅由來編輯

咖啡山嘅馬來名係Bukit Nanas原意係鳳梨山，但係中文名係咖啡山。呢個中文名嘅由來係因為呢度喺英國殖民時期，英國人曾經喺度種植咖啡^[3]；而馬來名就嚟自雪蘭莪內戰（英文：Klang War）期間，相傳免打粦人（英文：Mandailing people）為咗抵禦敵人而喺山坡上種滿帶有刺嘅波蘿^[4]。喺英國殖民期間，咖啡山亦被叫做Weld Hill，得名自1880年至1887年間擔任海峽殖民地總督嘅Sir Frederick Weld。喺1867年至1874年嘅巴生內戰，呢度亦曾經係雪蘭莪蘇丹喺曼特寧氏族（Kaun Mandailing）對峙時嘅堡壘山，依家仲保留住一條長大約5公尺嘅地底密道，見證咗當年內戰事蹟^[5]。

景點編輯

吉隆坡森林生態公園編輯

咖啡山森林保留地嘅吊橋

咖啡山係依家吉隆坡市中心唯一一笪地方保留住原始熱帶雨林，呢片原始雨林依家屬於吉隆坡森林生態公園（KL Forest Eco Park）嘅一部分^[6]，佢早喺1906年畀政府憲報為永久森林保留地，亦係馬來西亞半島最早嘅森林保留地，當時嘅土地面積有17.50公頃，依家已經縮減至9.3公頃^[3]。吉隆坡森林生態公園係一開始被成為威爾德丘森林保留地（Hutan Simpan Bukit Weld）^[7]，之後改名做咖啡山森林保留地（Hutan Simpan Bukit Nanas）以同最近嘅吉隆坡森林生態公園（Taman Eko Rimba Kuala Lumpur）^[8]。

吉隆坡森林生態公園喺安邦路同拉惹朱蘭路交界處，係市中心鋼骨水泥森林嘅「綠肺」，園區入面栽種咗各種珍稀嘅植物同花卉，其中包括攀藤植物、蕨類植物同罕見嘅草藥等。巨型嘅熱帶樹木，例如紅木（Meranti）同龍腦香木（Keruing）亦可以喺呢度揾到。園區入面有唔少條路以樹木嚟命名，其中包括沈香路（Jalan Aquilarium）、匹那拉罕路（Jalan Penarahan）、坡壘屬路（Jalan Hopea）等^[3]。園區入面常見嘅動物有馬騮、松鼠同其他小型嘅爬蟲類、哺乳類以及鳥類^[8]^[9]。喺1970年代，曾經喺山坡上起咗一條纜車通去咖啡山山頂，當時人可以搭纜車，喺高空鳥瞰吉隆坡熱帶雨林嘅面貌，嗰條纜車喺80年代已經停止營運。為咗促進旅遊業，依家吉隆坡市政府有打算重新發展呢項纜車服務^[10]。

另外，園區入面亦設有廁所、露營場地、吊橋、休閒亭等設施。遊客可以通過三種方法進入園區。第一，係進入喺拉惹朱蘭路嘅聯邦直轄區森林局資訊中心，用樓梯組成嘅步道往上爬；第二，係乘搭機動車輛去到吉隆坡塔後喺畀旅遊巴停放嘅停車場嘅轉角處進入；第三，係用靠近吉隆坡塔大門入口處嘅左側進入。由森林局資訊中心進入嘅話，遊客可以欣賞到野胡姬園、草藥園同植物園山徑嘅景觀^[3]。