想搵第二個意思嘅話,請睇唐人街 (搞清楚)

鐵拳英雄》(英文The Righteous Fists),前名《唐人街》、《曼谷唐人街》,係香港無綫電視製作嘅懷舊電視劇,由陳展鵬唐詩詠陳山聰姚子羚同領銜主演,並由伍允龍元秋王君馨劉穎鏇歐瑞偉張國強聯合演出,監製文偉鴻

呢套劇喺2019年1月開拍,5月剎青,原本安排喺2020年9月播出,但因為改播《C9特工》而被抽起,最後延遲到2022年1月播出,仲將劇名由《唐人街》改做《鐵拳英雄》。

故事大綱 編輯

1935年,步天下、連震山同埋路向東啱啱舉家移居泰國唐仁街,但係喺黑幫橫行霸道嘅全面操控下,居民苟且偷安,各家自掃門前雪,目睹唔公義都唔敢伸出援手。終於,身為八極拳傳人步天下忍無可忍,決定聯手身為詠春拳同埋八卦掌傳人嘅震山同埋向東,傳授武功予街坊,希望合力剷除當地惡霸王泉為民除害,但王泉派人擄走了佢哋三人嘅子女。三人趕到後,天下突然襲擊震山,而東就同惡霸同歸於盡(實情路向東係內奸,扮問候向天傷勢,向向天嘅頸部施針為實,令向天產生幻覺誤認震山係王泉,所以一直向震山攻擊)。此外,天下嘅大仔青雲為救震山同埋向東之子女而留下弟妹,其後更因大火而無法救出細佬妹。一夜之間,三家家破人亡,而且步家被認定為助紂為虐,應得有報應而飽受街坊欺凌,青雲帶埋阿媽,決定離開呢個傷心地......

事隔二十五年,青雲為咗尋找失蹤嘅細佬妹回到唐仁街……

爭議 編輯

被指刻意矮化同妖魔化美國 編輯

長期監察無綫電視嘅Facebook專頁「思思TVB的二三事」批評,喺第4集其中一個情節入面,唔單止將美國嘅軍官寫到係萬惡嘅奸國,仲為咗令套劇喺中國大陸出到街,直頭連美國都唔敢講全名,將佢河蟹成「M國」,而且仲要係喺同大陸制度有差別嘅香港都播有關嘅閹割版本[1]

錯誤以「馬打」稱呼警察被批評 編輯

呢套劇雖然以泰國為背景,但係入面經常不斷稱呼警察做「Mata」。事實上,泰文入面「警察」係Taam ruat,發音係「Dum栗」,而「Mata」其實係喺馬來西亞先會咁叫警察。對於劇組資料搜集有呢個嚴重出錯,而且三年都無人發現,有啲網民就批評實在大意[2][3]

出面網頁 編輯

參考 編輯

  1. . 思TVB的二三事. 2022-01-16. 喺2022-01-16搵到. {{cite news}}: Cite has empty unknown parameter: |1= (help)
  2. 拳英雄丨唐詩詠事隔3年雙眼變化再成話題 網友斥劇組求祈Mata係泰文 - 晴報 - 娛樂 - 中港台. skypost.ulifestyle.com.hk (中文). 喺2022-01-22搵到.{{cite web}}: CS1 maint: url-status (link)
  3. 拳英雄译错误 警察泰文叫"Mata"?|中國報. 國報 China Press (美國英文). 2022-01-17. 喺2022-01-22搵到.