商業同盟

商業同盟（粵拼：soeng1 jip6 tung4 mang4；英文：business alliance）係指組織之間喺商業上可以建立嘅同盟關係，互相俾對方著數同埋靠噉打低佢哋嘅共同對手，簡單嘅例子可以想像兩間企業事先夾定，同時各自喺市場上發放自己件新產品，而呢兩件新產品係互補品，所以消費者有誘因同時買嗮兩件嘢^[1]。

商業同盟關係可以好持久－要建立或者切斷一段同盟關係會嘥人力物力，所以一般嚟講，只要一段長期關係起碼係有少少著數嘅，一間企業都好少可會想無端端切斷段關係或者建立第段關係。