善述書室
22°30′16″N 114°08′55″E / 22.50444°N 114.14861°E
善述書室喺香港新界粉嶺龍躍頭新屋村裏面，係龍躍頭鄧族祀奉祖先嘅家祠，亦用作教育族中子弟，單以清代科舉，龍躍頭曾經出過三個貢生，十一個例貢生同一個武舉人。善述書室係私人物業，並唔開放畀公眾參觀。書室已被評為一級歷史建築。
史
編輯善述書室喺清道光二十年（1840年）起，用嚟祀奉鄧氏十九世祖鄧雲階嘅靈位。喺第二次大戰之前，書室曾經做教學用途，直到1938年先至結束。戰後就改做幼稚園校舍。而家善述書室只係有時用作族人嘅宴會。
結構
編輯善述書室係傳統兩進式家祠，庭院兩邊設有走廊，廚房同門廳相連，門外有禾坪。善述書室曾經存有古代嘅刀、劍、戟、弓同箭等武器，畀子弟習武之用。
參考
編輯- 《新界宗族文化之旅》，嚴瑞源編著，萬里書店，ISBN：962-14-2936-6