黃大仙祠 (香港)
香港寺廟
(由嗇色園黃大仙祠跳轉過嚟)
呢篇文講香港嘅黃大仙。想搵其他城市嘅黃大仙嘅話，請睇黃大仙祠。黃大仙祠，全名赤松黃大仙祠或嗇色園黃大仙祠位處九龍竹園，係香港著名嘅廟宇。祠舍1921年落成，地皮18萬呎（約莫兩個大球場），係一級歷史建築。由非牟利慈善團體嗇色園管理。同時亦係香港第一間獲香港政府批准舉辦道教儀式婚禮同簽發結婚證書嘅道教廟宇。
地圖
黃大仙祠供奉黃大仙同孔子、觀音儒釋道各路神仙。祠宇內櫳乃係「五形」佈局，即係飛鸞台、經堂、玉液池、盂香亭同照壁，跟足金、木、水、火、土五行[1]而設。祠內重有其他唐山傳統建築例如三聖堂、大殿同埋從心苑等。
照《赤松子自述》話，黃大仙名諱原低係黃初平，東晉咸和3年（328年）喺浙江金華縣蘭溪出世，15歲學道，其後煉出一招「指石變羊」，自此佢同佢大佬一齊煉仙。而由於黃生隱居喺赤松山修煉，故此又名「赤松仙子」。
相傳黃大仙係「有求必應」，簽文靈擎，時時吸引善信嚟求簽，香火鼎盛[1]。
大年初一好多善信爭上「頭炷香」，係香港賀歲指定動作。
資料
編輯- 名：赤松黃大仙祠；嗇色園黃大仙祠
- 地址：九龍黃大仙竹園村2號
- 電話：+852 2327 8141
