梅州

  「嘉應」跳轉到呢度。想搵日本年號，請睇「嘉應 (年號)」。

梅州（Mui⁴ Zau¹）（外文名：Meizhou，傳統外文名：Meichow、Kaying），簡稱做梅，舊時叫過嘉應（Gaa¹ Jing³）（應讀陰去），喺中國廣東，家下係地級市，叫梅州市。大清時佢做過縣，叫程鄉縣（Cing⁴ Hoeng¹ Jyun²），做過直隸州，叫嘉應直隸州，做過府，叫嘉應府。民國時廢州，另設梅縣。共和國時又開返梅州市。

地理

山

梅州東有百花出。東南有酉陽山，又叫九峰山。東北有王壽山。

水

梅州南有梅江，又叫興寧江，東北流，過州治南，左納程江水，屈東同周溪水合，東北到丙市，石窟溪西北由鎮平來注入。東北合埋松源溪，屈東南，過蓬辣灘入大埔，叫小河水。

史

梅州呢個地方，新石器時代已經有人住。秦朝至東晉，通常係南海縣揭陽縣管。南北朝到五代十國，係古興寧縣地方。北宋開始，就叫做梅州，至於點解叫做梅州，學者就話係因為漢朝嗰陣係梅鋗嘅封地。

大清初時梅州係程鄉縣，隸潮州府。雍正十一年，升為嘉應州，直隸廣東布政使司。嘉慶十二年，升為嘉應府，復置程鄉縣為府治。嘉慶十七年，仍然改為直隸州，省去程鄉縣。嘉應直隸州歸惠潮嘉道，領縣四。

州同駐松口。有豐順、太平二巡司，重有程鄉、武寧二驛，之後廢。

特產

• 嘉應子
• 梅菜