口

  提示：呢篇文講嘅唔係ㅁ。

  想搵部首嘅話，請睇⼝。

口（粵拼：hau2），又叫嘴（粵拼：zeoi2），係動物用來食嘢、飲嘢嘅開口。一般嚟講，嘴係生喺個頭度，鼻嘅下面。

擘大個口

口裏面有條用嚟感測味覺、講嘢用、幫手吞嘢嘅脷；有上下兩排牙，用嚟𡁻爛啲嘢食，係有啲動物嘅武器。

口亦會唔停咁分泌口水，令到入口嘅嘢食得到初步嘅濕潤，可以容易啲咬爛同消化。而當好肚餓嘅時候突然見到好味嘅嘢食，口水量會即時增多，預備迎接美食。

個口開合就係靠個下巴骨上下郁。咀嚼嘢食就係下巴左右郁。