頭，以解剖學講係動物腦、眼、耳、鼻、口器官嘅集中部位。頭通常喺前，或者頂。
頭字，有兩種讀法，一係陽平調，一係陰上調。
頭痛，頭刺（讀赤），頭暈，豬頭，就讀陽平。
事頭，伙頭，熱頭，日頭，就讀陰上。
人係企立，人頭喺頂。頭骨嘅部份，因爲骨似殼，叫頭殼，最頂叫頭殼頂。頭有眼口鼻嗰邊叫前，反向叫後。耳喺左右。頂同後有頭髮。前上半，無頭髮嗰處，叫額頭。額頭兩邊有凹位，叫魂精。頭後面落啲，叫後尾枕。
頭因爲係最前或者最頂，所以最前或者最頂，就叫頭。帶住做嘢嘅，亦叫頭。
