四季香

四季香（粵拼：sei3 gwai3 hoeng1；學名：Murraya paniculata）；第個名係七里香（cat1 lei5 hoeng1）、九里香（gau2 lei5 hoeng1）、十里香（sap6 lei5 hoeng1）、千里香（cin1 lei5 hoeng1）、萬里香（maan6 lei5 hoeng1）、萬年青仔（maan6 nin4 cing1 zai2）；喺英文嗰邊嗌「Common jasmine orange」、「mock orange」、「Orange Jasmine」、「Orange jessamine」；佢係芸香科四季香屬嘅常綠灌木或喬木仔，原產地喺亞洲嘅南邊，而家喺日本琉球、菲律賓、印尼、馬來西亞、斯里蘭卡、印度、澳洲、中國嘅海南、廣東、福建同廣西、貴州、雲南、湖南四省南邊都可以搵到佢。呢種植物大多數生喺海拔比較高嘅山地疏林或密林入面或低地嘅丘陵地嗰度。呢樖嘢重係個香花樹種。

How to read a taxobox

四季香

四季香嘅花

物種分類

界	植物界 Plantae
（未分級）	真雙子葉植物分支 Eudicots
（未分級）	薔薇分支 Rosids
目	無患子目 Sapindales
科	芸香科 Rutaceae
屬	四季香屬 Murraya
種	四季香 M. paniculata

二元學名

Murraya paniculata
(L.) Jack

別名

Murraya exotica L.

形態

呢種植物一般有1——10米高到，最高嗰時可以去到12米。樹幹同細枝都係淡黃灰或灰白色，有小小光澤，冇毛，分枝細長且多，而細枝係圓柱形，橫切面係鈍角三角形，底邊同圓弧形差唔多，木質比較硬。而樹葉方面，佢係奇數羽狀複葉嘅互生品種，一般係3——5嚿樹葉，而7嚿樹葉唔係冇，不過比較少。而葉頂比較狹長，逐漸噉尖落去嘅樣、有時短尖或稍微凹咗落去。而基部同圓形或闊嘅楔形差唔多，樹葉係紙質或厚紙質品種，表面深綠色，有光澤，背面青綠色，生咗好多又密又麻嘅腺點出嚟。而花係聚傘花序，一般生喺樹頂或樹枝叉嗰度，而花嘅數量方面，大多數係＜10朵；有時開到＞50朵都有，但比較少見。而花係白色嘅單花品種，好似星星噉嘅樣，而且都幾香吓。而花瓣係4——5嚿，一般係狹長嘅橢圓形或倒披針形，白色或淺黃色；呢種植物一般喺每年4——9月開花。而果嘅方面，佢一般係漿果嘅品種，好似個蛋形或橢圓形，先端比較尖，熟咗嗰時係橙黃到朱紅色嘅品種。而佢嘅果一般有1——2粒核；皮有棉質毛響度。呢樖嘢一般喺每年9——12月結果。

適應環境

呢種植物鍾意喺暖又濕嘅氣候嗰度生，但唔禁（kam1）凍。

用途

呢種植物唔單止可以用嚟做盆景同庭院植物之外，佢嘅葉同帶葉嫩枝都可以做藥，有祛風除濕、行氣活血、散瘀止痛、解毒等呢啲功效。另外，佢嘅花可以提取香油做香水、花同熟咗嘅果都可以食得，而曬乾咗啲花可以做茶。

有關嘅書

貴州植物誌第276-278頁
《《中國藥用植物圖鑒系列之一南方藥用植物圖鑒》》。王玉生、蔡岳文。汕頭大學出版社。2007年月。頁第118頁。ISBN 978-7-81036-859-9。 {{cite book}}: Check date values in: |year= (help)
《《香港盆栽》》。綠川晴。萬里機構。2008年月。頁第216-217頁。ISBN 978-962-14-3781-5。 {{cite book}}: Check date values in: |year= (help)
《《當代藥用植物典 4》》。蕭培根。香港賽馬會中藥研究院。2007年月。頁第330頁。ISBN 978-988-99226-3-4。 {{cite book}}: Check date values in: |year= (help)
《《常用中藥材鑑別圖典》》。趙中振、陳虎彪。萬里機構。2010年月。頁第250頁。ISBN 978-962-14-4150-8。 {{cite book}}: Check date values in: |year= (help)

出面網頁

（簡體中文）月橘中國植物圖像庫
Murraya paniculata (L.) Jack 香港植物標本室
Murraya paniculata 香港教育城
植物分類嘉義大學景觀植物圖鑑
香港觀賞植物照片廊香港康樂及文化事務署
九里香 Jiulixiang 藥用植物圖像數據庫 (香港浸會大學中醫藥學院)（中文）（英文）
千里香 Qianlixiang 藥用植物圖像數據庫 (香港浸會大學中醫藥學院)（中文）（英文）
九里香 Jiulixiang 中藥材圖像數據庫 (香港浸會大學中醫藥學院)
九里香 Jiu Li Xiang 中藥標本數據庫 (香港浸會大學中醫藥學院) （繁體中文）（英文）