四環九約
(由四環跳轉過嚟)
四環九約係香港城分區。環係唐人對聚居地嘅叫法。四環九約係英人治港中期嘅分法。環由於只係聚居處，會隨住人口擴張，定義會有所改變。而英人唐人對地帶看法有異，因而中環與中區有別，西環與西區有別。後人對四環分野，時有混淆。
史
編輯英國人北岸開香港城，甚至不講得係城，全無諗過有唐人聚居，只求安身居留地，可以擺貨泊船，生意留省城。然而一開埠，就有唐人來搵機會，無數唐人來港，短短年半，就建起聚居。唐人分兩批，一批喺今日中環街市對上嘅涌谷，是爲中環，另一批喺城邊灘地，今日文咸街一帶聚居，是爲上環。及後灣仔聚居，就加個下環。當時西環未填海，只有西灣，卽係擸𢶍灣，洋名卑路乍灣。西灣有村。之後西灣填海，伸到堅彌地城。及後分成四環九約。西環係其中之一。