四部和音

四部和音（英文：four-part harmony）係一種將音樂寫到有四個聲部嘅方法，寫出嚟嘅音樂會適合四把人聲或者四件樂器一齊演繹。四部和音嘅理論基礎係和弦，但係喺和弦配置會顧及所謂聲部進行（voice leading），令四個聲部聽落有獨立聲部嘅感覺；另外亦有對實際需要嘅考慮，例如每個聲部用嘅音符一定要乎合嗰部嘅正常音域，或者避免某啲難唱嘅音程。

三和弦只有三個音，所以四部和音如果用三和弦，就一定會用到重複音，即係將和弦入面嘅其中一個音值重複一次；不過做和音未必要做四部，亦有三部和音。