北京國家游泳中心

北京國家游泳中心（簡化字：北京国家游泳中心；英文：Beijing National Aquatics Center），又嗌水立方（簡化字：水立方；英文：WATER CUBE）或冰立方（簡化字：冰立方；英文：ICE CUBE），係中國北京一體育場館，亦係2008年夏季奧林匹克運動會主要嘅水上項目比賽場館同埋2022年冬季奧林匹克運動會主要嘅冰壺比賽場館。喺朝陽區嘅奧林匹克公園入面。建築費用係10.2億元。

北京國家游泳中心

佢曾經喺2008年夏季奧運期間會用作游水、跳水、水球同韻律泳賽事之用，同年11月美版The Amazing Race第14季第10站賽事分岔路任務（跳水路線）嚟過呢度辦；2022年冬季奧運期間攞過嚟做冰壺比賽場地。

相

喺奧林匹克比賽大廳入面嘅跳水池 喺奧林匹克比賽大廳入面嘅跳水池  喺奧林匹克比賽大廳入面嘅游水池 喺奧林匹克比賽大廳入面嘅游水池  游泳俱樂部 游泳俱樂部

門票同開放時間、須知

開放時間

• 旺季每日09:00～18:00
• 淡季每日09:00～21:00
• 場館準備閂門前10分鐘內唔賣飛入場
• 若果比賽大廳入面有大型活動（包括有遊戲性質嘅電視娛樂節目拍攝在內）或游水、跳水比賽時，比賽大廳一律唔開放，要另外買飛入場。

門票

• 全票￥30
• 半票￥15：身高≥1.2m／學生（要有學生證）／軍人（要有軍官證）／≥60歲嘅老坑（要有中國大陸嘅老人證）
• 免票：身高＜1.2m／殘疾人（要有殘疾證）／≥70歲嘅老坑（要有中國大陸嘅老人證）
• 若果要玩多個電樽車或3D美術館嘅話，必須要畀多一倍價錢先至玩得。

其它須知

1. 買飛時必須出示中國大陸身份證（中國大陸居民）／往返內地通行證（港澳居民）／往返大陸通行證（臺灣居民）／護照（國外居民）
2. 入場必須要接受人過安全門，物過安檢機制度。
3. 唔畀帶寵物入場。
4. 入場之後唔畀入未開放嘅區域或辦公場所地方。
5. 喺地下1樓嘅嬉水樂園同游泳俱樂部兩場地之間同水立方張飛唔互通，入去嘅話要另外畀錢。
6. 舖頭、影相舖、小食檔、餐廳、咖啡舖同麥當勞、KFC、紀念品舖屬額外收費，門票唔包。但若果發生拗數，場內商戶要孭嗮飛。
7. 若果買咗水立方門飛嘅必須要喺6號或7號門入，3號或8號門出。若果買埋嬉水樂園或游泳俱樂部飛嘅，必須喺7號門入。

附近嘅交通

地鐵

• 8號綫：奧林匹克公園站、奧體中心站
• 15號綫：奧林匹克公園站

巴士

北辰橋西站、國家體育場東站、北辰東路站、國家體育館站、北辰西橋北站、國家體育場東站、亞運村站、洼里南口站、豹房西站、安翔北路東口站

睇埋

• 國家體育場（俗稱「鳥巢」）

出面網頁

• 北京國家游泳中心嘅官方網站
• 北京國家游泳中心嘅新浪微博