圍頭村

圍頭村，香港一村，亦係一地，喺大埔以北，牛牯嶺以東，康樂園以西，泰亨之南，林村河之北，英文寫Wai Tau Tsuen。行政上，地歸大埔區，鄉事歸大埔鄉事委員會。

大埔墟往圍頭村小巴

圍頭村就近大窩西支路，前身就大埔公路，再隔籬就係粉嶺公路。村口有十字路口，可以上落粉嶺公路，或者直去康樂園路，或者西南落大埔公路大窩段，或者南去林錦公路交匯處，經林錦公路入林村。村有專綫小巴入，來徑大埔墟，大窩西支路亦有圍頭村巴士站。

圍頭村中心為舊時圍村格局，前面塘。現今周圍都為丁屋，或者出售丁屋興建成私人屋苑，有裕景居、康樂花園、康樂豪園、秀麗花園等。

村有康樂場地，有圍頭村遊樂場，有圍頭村休憩處，亦設有圍頭村公廁。西南有啲田地，村路小徑，可以行到去牛牯嶺。圍頭村西北，為圍頭村輋地。