圖則(「則」讀「即」唔讀「側」)係建築物所有藍圖,以比例畫出嚟,表現個建築物入面客廳房間空間同其它硬件分佈,其中包括主力牆出入口位置圖。圖則方便則師繪圖員測量師地產發展商室內設計師地盤工人、裝修業主保安消防訪客溝通用。

一個社區中心嘅圖則

圖則大致上可以分做幾大種:

  1. 平面圖(floor plan)描繪棟建築物由上面睇嘅切面結構圖,棟嘢每層樓都會有幅平面圖,描述嗰層有啲乜嘢房以及每間房喺邊個位置。詳細啲嘅平面圖仲會描述埋每間房預想會有啲乜嘢傢俬。
  2. 截面圖(cross section)描繪棟建築物嘅截面,即係棟嘢如果喺某處一嘢斬開做兩半嘅話會係乜嘢樣,截面圖會話到俾人知棟嘢每一層嘅唔同元件之間嘅相對高度-呢一點平面圖好難做到。
  3. 立面圖(elevation)描繪棟建築物外面由唔同邊睇嘅樣,截面圖描繪棟嘢如果俾人斬開嘅樣,而海拔圖就會描述棟嘢完完整整噉由唔同方向睇會係乜嘢樣。
  4. 立體圖(3D representation)描繪棟建築物由唔同角度睇嘅立體樣,描述建築物使用者實際上會見到嘅影像。立體圖當中有種叫透視圖(perspective),會透視棟建築物嘅某啲部份[1]

參考

  1. The Great Perspectivists, by Gavin Stamp. RIBA Drawings Series, published by Trefoil Books London 1982.

睇埋