圖書館
(由圖書舘跳轉過嚟)
圖書館（粵拼：tou4 syu1 gun2），或者寫圖書舘，係專收資訊嘅地方，響棟樓裏面，亦係管理呢啲嘢嘅機構。佢主要收書等文字圖書同視聽資料嘅地方。圖書館方便借出佢收埋嘅資料畀大眾，亦都幫到學者去做研究。圖書館可以粗略咁分三大類，分別係公共圖書館、學術圖書館同特別圖書館（special libraries）。
除咗書之外，重有雜誌、報紙、期刊、唱片、錄影帶、光碟、相片、地圖、微縮片等等。有時重會有電腦或者網上資料庫。呢啲館藏統稱叫圖書館資料。
負責管理呢啲料嘅人叫圖書管理員。佢哋會同書分類，排好。同埋會幫人搵資料。
今時今日科技發達，圖書館藏唔限於實物，唔限於四塳（音：bung6）牆，館藏可以變電子媒體。