圖書館資料

圖書館資料（英文：resource），簡稱資料，喺圖書館學，係指一件作品、作品以文字或者符號表達嘅形式（例如樂譜或者劇本）、呢啲表達形式嘅實體表現（例如跟住樂譜演奏嘅音樂嘅錄音，或者跟住劇本演嘅戲嘅錄影）、又或者其他嘅項目，可以係有形或者無形，亦唔一定係一件過，可以係幾件夾埋一齊又或者一件嘢嘅一部分，例如實體書係有形嘅圖書館資料，但係網上嘅嘢全部都係無形，又例如一本期刊係一份資料，但係期刊入面嘅一篇論文又係資料。