地政總署

地政總署，簡稱地政署，係香港政府部門，屬發展局旗下，負責管理香港所有土地同相關行政工作。

地政總署屬下有地政處、測繪處同法律諮詢及田土轉易處。地政處負責批出同徵收土地、因應各種用途幫土地同物業估價、執行契約條款、土地同寮屋管制、市區重建，同埋保養喺未撥用同未批租政府土地上嘅人造斜坡。測繪處係香港負責土地測量同製圖工作嘅官方機構，佢哋管理香港嘅大地測量監控網絡同衛星定位參考站網、進行土地界線測量同航空測量，同埋製作紙品同數碼地圖。法律諮詢及田土轉易處提供內部法律意見、執行預售樓花同意方案，重有審批大廈公契。

地政總署係喺1982年4月1號成立，現任署長係陳松青。