坑口天后廟
坑口天后古廟喺香港新界東將軍澳坑口田下灣村同佛頭洲村之間，面向坑口花園，係區裏面唯一廟宇。座廟喺清朝初起，原本係一座細廟。1840年（清道光二十年）搬去而家嘅位置重起，先得到今日嘅規模。
座廟係一兩進三間金頂式建築，天階起咗亭蓋，廟裏面有重修石碑一塊同一個鐵鐘，廟前面有一對石獅子，全部都係前清之物。座廟曾經係該區嘅地方行政同經濟中心。 古廟喺道光20年（1840年）起，係當地水陸居民嘅保護神，一年四季，香火繚繞不絕。殿裏面供奉住天后娘娘神像，兩邊企住千里眼同順風耳兩位守護神。偏殿就供奉文昌、華光、華陀同太歲四神。而家除咗天后誕同農曆新年前夕，其餘時間都幾冷清。
1989年政府發展將軍澳新市鎮，嗰區雖然重新規劃，但座廟仍然存在。坑口天后古廟喺1987年被列為二級歷史建築，到咗2010年1月22號改評為香港三級歷史建築 。