太歲
想搵神秘生物嘅話，請睇肉靈芝。太歲緣起歲星，歲星即係木星。古人觀天定時，歲星約莫十二歲行黃道一週，是為一辰。歲同年相近，而一歲為日行黃道一週。如冬至到冬至。歲星在黃道十二方位，就代表一歲，十二歲一週。之不過歲星實情行快少少，行快千分之廿二，唔夠十二。八十六年多之後，就會超一次，是為超辰。後漢書寫一百四十四年，寫多咗。
隨住算法推步，日益進步，又有咁問題，就虛構一星，叫太歲。太歲行十二歲，無多無少。
太歲既然咁重要，以後所有曆都會跟住佢。曆年起首一定有太歲在某干支，而某干支就係年干支。古人信日月星辰都有靈，久而久之，就附會成神話，道教亦發揚光大。太歲有如帝王，平民百姓受唔起，要迴避，最後變成禁忌，有犯太歲之說。後來太歲，六十甲子、六十歲、六十神祗，個個有名有姓。
參考 編輯
- 陳峻誌：《太歲信仰研究》（A Study on Religious Belief about Tai-sui）中興大學/文學院/中國文學系所/95/碩士。