城門新村
城門新村，又叫錦田新村，喺香港新界元朗錦田，介乎泰康圍同永隆圍嘅中間，1930年起好，有千幾個村民喺度住，大多數係姓鄭。
史 編輯
城門新村係一條姓鄭嘅村落，先祖住喺海陸豐一帶。差唔多喺17、18世紀（約明末清初），鄭善公（鄭氏十八世）由東莞縣搬去新安縣定居。喺佢死咗之後，佢老婆仔女喺荃灣狐狸峽（而家嘅和宜合）落籍，後來喺當地起咗條大圍村。
到咗1920年代，香港政府為咗起城門（銀禧）水壩，就將城門一帶嘅居民搬去錦田，成為城門新村。
建築 編輯
初期城門新村裏面嘅村屋高兩層，用青磚砌成。村裏面建有協天宮，協天宮即係關帝廟。城門新村嘅協天宮裏面重供奉住16個村民嘅神位，係為咗祭祀舊時喺清同治年間（1862年－1864年）荃灣同城門兩鄉械鬥時死咗嘅村民。鄭氏宗祠設喺村口。城門公立通德學校係早期嘅鄉村學校。