錦田

錦田（Kam Tin），1587年前叫岑田（Sham Tin），喺香港新界中部。隔籬就係八鄉。行政上佢係歸元朗區。

鄧氏

錦田係東莞同新安兩縣嘅鄧氏發祥地。因為鄧族喺呢兩縣勢力好大，設喺錦田嘅元朗洞，作用等同非官方嘅政府，管住佢嘅田地。鄧洪儀分出去嘅大房、二房同四房，都以錦田做鄉下。

原本岑田係唔同姓嘅人喺度住。大明時，由宣德到成化年間，約莫1426年到1487年，鄧氏喺錦田大幅擴張。原本岑氏畀佢變成細民，黎氏變成細族。鄧氏二房起英龍圍，控制晒成個八鄉谷，最後立咗元朗舊墟。