基督新教喺香港
基督新教喺香港係其中一個主要宗教。根據香港政府喺2016年5月發佈嘅資料，現有香港基督新教信徒大約有48萬，會堂達1450間，大小宗派逾70個。除了唔少本土宗派外，一啲主要國際宗派同傳教機構都有喺香港組織，包括基督復臨安息日會、聖公會、浸信會、宣道會、播道會、信義會、循道衞理聯合教會、五旬節宗同救世軍[1]。
基督新教團體喺香港教育、醫療同社會福利工作，有好大程度參與嘅參與。而家香港有兩個主要基督新教團體，負責促進教會之間嘅合作，包括香港華人基督教聯會同埋香港基督教協進會[1]。
基督新教喺香港嘅政治地位
編輯佢哋喺香港經由香港基督教協進會嘅抽籤機制之下，喺香港選舉委員會入面一啲席位。2021年北京未經諮詢或香港人同意，強行修改香港選舉制度之後，呢個機制會產生10席選委[2]。
香港唔少政治人物都係基督徒，而比較強調自己基督徒身份，甚或有教會職守嘅就有黃成智、涂謹申、梁美芬、龐愛蘭、管浩鳴等。
有部份主流教會亦會對一啲香港社會議題發聲，但立場多數傾向政府。
另外，喺引發香港反送中運動嘅香港女子臺灣遇害案入面，管浩鳴一直擔當兇手陳同佳嘅發言人，亦因為咁，管浩鳴受到一啲香港市民嘅批評[3]。
參考
編輯- ↑ 1.0 1.1 〈香港便覽 - 宗教與風俗〉 (PDF)。原先內容歸檔 (PDF)喺2021年10月26號。喺2021年10月26號搵到。
- ↑ 〈香港特別行政區完善選舉制度 - 選舉委員會產生辦法〉。www.cmab.gov.hk。原先內容歸檔喺2021-04-13。喺2021-10-26搵到。
- ↑ 〈陳同佳出獄近兩年未赴台 潘母中秋發訊倡在港審理 斥警保護「殺人犯」 促陳親自回應 | 立場報道 | 立場新聞〉。《立場新聞 Stand News》。原先內容歸檔喺2021-10-26。喺2021-10-26搵到。