陳同佳

陳同佳（英文：Chan Tong-Kai；1998年12月13號—），原本只係鼻下多粒墨嘅普通中國大陸人。移居香港嘅佢因為係潘曉穎命案殺人疑犯，同香港洗黑錢罪犯，又係「反送中遠因之一」所以變「網紅」。

陳同佳
出世	(1998-12-13) 1998年12月13號
出世地	中國廣東省深圳市
國籍	中國（香港）
刑罰	29個月（香港，當中已經羈押13月）

簡介

因涉疑殺害女友潘曉穎後，從台灣潛逃香港而轟動一時。由於案件發生喺台灣境內，加上兩岸之間因為政治原因無法進行司法互助，導致全案長期陷入膠著狀態，至今仍未受到法律制裁。甚至據報有段時間，陳同佳受到香港政府、香港警察保護，入住安全屋、免費上網打機、免費飲食，出入受保護，常由管浩鳴牧師陪同，費用香港納稅人埋單。

香港保安局藉此案喺2019年2月提出修訂《逃犯條例》草案，最終成為反修例運動爆發嘅導火線。陳同佳出獄後一直居於油尖旺區何文田京士柏山安全屋，雖然亦曾經公開表示會赴台投案，但至今仍未實行。2018年12月3號，臺灣士林地方檢察署正式對陳同佳發布通緝，時效長達37年6個月 喺2021年10月，其監護人管浩鳴透露陳同佳已經離開安全屋並轉至深山寓所隱居。

刑事狀況

由於陳同佳在案發後畏罪潛逃，故此被中華民國內政部發布通緝令通緝，導致陳氏已經錯失在臺灣自首的機會。一旦陳同佳再次入境臺灣，只會被內政部警政署拘捕或投案後被捕。

內政部在2019年10月23號早上澄清台灣從未限制陳同佳入境，只是拒絕其辦理電子簽證。 中華民國總統蔡英文喺10月23日朝早表示陳同佳案只有「逮捕」冇「自首」，又稱台方已經講過好多次，案件嘅加害人同受害人均為香港居民，中華民國政府亦已經一再強調唔會放棄管轄權，但既然港府唔願行使管轄權為受害香港人伸張正義，噉就由台灣處理，並要求港府唔好迴避台灣政府就本案要求提供司法協助嘅事實。陸委會亦指根據台灣法律，嫌犯被通緝後便唔符合「自首」條件，期望港府熟讀並尊重台灣嘅法律同制度。