堅料網
堅料網係一間親中派香港媒體，而家由諾訊國際有限公司擁有。佢哋以政論同專欄為主打，另外亦有娛樂、體育同埋馬經等資訊。佢哋亦推出咗實體版雙周刊雜誌《堅雜誌》，喺一啲地點免費派發。
歷史
編輯堅料網喺2015年9月成立，嗰時由「生立有限公司」擁有。公司董事係曾任《文匯報》記者，同埋一份石油雜誌主編嘅陳崇煒，佢亦係多間上市公司嘅執行董事。創立初期，佢請到建制派立法會議員梁美芬、鍾樹根同前主播黃大鈞等人擔任博客[1]。
2015年12月，推出實體版雜誌《堅雜誌》，喺一啲地鐵站口派發[2]。
2017年1月25號，有員工收到公司通知，指指網站成立同推出雜誌後，使咗大量資金，要重新思考未來路向，公司決定喺31號停止運作。據香港01記者了解，《堅料網》投資者認為唔應該喺回報不足下，不斷投放資金，公司承諾會依照相關勞工法例賠償。而有消息指，《堅料網》喺宣布停止運作前一直正常運作，唔覺有任何開源節流措施，形容事出突然[2][3]。
2018年9月5號，堅料網宣佈再度運作，話為社會、為公義、為香港未來再度發聲。實體版雜誌《堅雜誌》亦會喺人流旺點免費派發[4]。
爭議
編輯報導「港台有6成員工年薪逾80萬」假新聞
編輯喺2020年4月9號，堅料網刊登咗一篇署名潘翠華、名為《美化暴力、抹黑警隊、取態偏頗、涉煽台獨……細數香港電台「十宗罪」》嘅報導，當中提到年薪高於80萬嘅公務員佔整體港台人手比例高達6成。事實查核實驗室查證過唔同資料，包括立法會議員嘅公開查詢，以往嘅財政預算案資料等等，就發現呢個報道錯誤。佢哋亦發現，多名親中派人士，包括屈穎妍、李梓敬，冼國林等，都曾經發佈呢項不實嘅資訊[5]。
參考
編輯- ↑ 〈新網媒《堅料網》開始運作 鍾樹根梁美芬做博客〉。《立場新聞》 (香港中文)。原先內容歸檔喺2019-01-12。喺2019-07-19搵到。
{{cite web}}: Cite has empty unknown parameter:|dead-url=(help) - ↑ 2.0 2.1 龍藝祥 (2017-01-26)。〈網媒《堅料網》停刊《本土新聞》亦告急〉。《香港輕新聞 Lite News Hong Kong》 (臺灣中文)。喺2019-07-19搵到。
- ↑ 李大煒 (2017-01-25)。〈網媒《堅料網》月底停運 員工突收通知稱投資者需「檢討路向」〉。《香港01》 (香港中文)。原先內容歸檔喺2019-07-19。喺2019-07-19搵到。
{{cite web}}: Cite has empty unknown parameter:|dead-url=(help) - ↑ 〈《堅雜誌》《堅料網》9月5日重新出發 | 堅料網〉 (香港中文)。喺2019-07-19搵到。
- ↑ 〈【錯誤】港台6成員工年薪超過80萬？｜Factcheck Lab〉。《Factcheck Lab 事實查核實驗室》 (香港中文)。2020-10-12。喺2021-05-03搵到。