冼國林
冼國林（Checkley Sin Kwok-lam）係香港電影製作人，以電影《葉問前傳》出品人身份得到好多港人關注，有時亦做下財經及時事評論員。不過，佢本人同旗下公司曾經涉及過唔同嘅爭議，亦曾經被揭發有利於自身政治立場嘅散播虛假資訊，以及被指阻止他人散播關於佢嘅負面資訊。
背景
編輯佢早年喺西營盤一個小販家庭長大，父親退休後60幾歲、母親40幾歲先生佢出嚟[1]。
冼國林係葉問個仔葉準嘅徒弟、劉家良嘅徒弟，曾經學習太極、洪拳、詠春等。佢早年做過銀行業[2]，其後，冼國林以電影《葉問前傳》嘅出品人身份得到香港人關注。另外，佢係亞洲電視前助理副總裁冼偉智嘅堂兄，王祖藍嘅舅父[3][4]。
2018年佢喺南韓濟州參加朱李月華嘅生日會期間，左眼俾細菌感染要切除[5]。
學歷/專業資格
編輯參與職位
編輯電影作品
編輯| 年份 | 片名 | 職務 |
|---|---|---|
| 2008 | 葉問 | 出品人 |
| 2010 | 葉問前傳 | 監製、故事、武術總顧問、出品人 |
| 2011 | 競雄女俠·秋瑾 | 監製、動作顧問、出品人 |
| 2013 | 葉問：終極一戰 | 監製、故事、動作指導、出品人 |
| 2014 | 男人唔可以窮 | 出品人 |
| 2017 | 我們的6E班 | 導演、編劇、出品人 |
政治立場
編輯冼國林過往曾經表示自己支持港英政府法制，但之後立場轉變做係親中陣營人士[1]，有參與支持香港國家安全法嘅聯署[7]，反對法輪功[8]，又曾經喺財華社集團旗下現代電視批評泛民主派，指責佢哋喺政府對選舉參選人嘅政治審查問題上係偽君子[9]。
捐助佔中期間7名毒打曾健超嘅警察
編輯喺雨傘運動期間，7名警員毒打前公民黨成員曾健超被判罪成，包括冼國林在內嘅多名演藝界人士都有份捐錢畀嗰7名警察[1]。
散播監管記者制度假資訊
編輯冼國林YouTube頻道「冼師傅講場」曾經畀傳真社批評放流料。其中冼國林曾經上載影片「假記者充斥，如何杜絕」。冼聲稱世界各地都有監管記者嘅制度，建議增加監管香港記者。但傳真社發現冼國林描述各國制度都有唔少講錯。例如英國嘅UK Press Card Authority並非如佢所講由政府出錢成立、美國紐約市NYPD記者證嘅申請要求同埋審查標準都同佢講嘅有分別，而且美國有幾種形式嘅記者證明，並唔係所有記者證都係由警方發出。冼話任何人畀五十蚊就可以得到記協記者證，但記協網頁已表明只有以新聞工作為主要收入嘅「正式會員」先可以申請記者證。冼又話成立網媒只需1人進行商業登記、只要有1個全職同埋1個兼職員工就能採訪政府記者會等，講法完全唔符合事實[10][11][12]。
散播香港電台年薪假資訊
編輯事實查核實驗室喺2020年10月發佈就「港台6成員工年薪逾80萬」嘅事實查核報道，提到有關說法分別來自《堅料網》署名潘翠華嘅報導，以及冼國林喺網上發表嘅影片。其中冼國林聲稱引用嘅審計署報告，並無提及相關薪酬數據。Factcheck Lab 翻查並整理香港電台嘅開支預算同埋薪酬統計數據，亦推算發現「港台6成員工年薪逾80萬」嘅說法無可能成立，冼國林聲稱引用審計署報告亦同事實不符[13][12]。
散播關於《公民權利和政治權利國際公約》假資訊
編輯佢曾經喺2021年8月就香港政府宣布將修訂《電影檢查條例》表達支持，批評田啟文等電影人話影響業界發展嘅言論係廢話，又聲稱聯合國《公民權利和政治權利國際公約》第21條入面指指任何自由都唔可以危害國家安全同埋社會穩定。但原文其實係指和平集會嘅權利[1]。
錯誤批評法官對「藏有攻擊性武器」定義
編輯冼國林曾經發佈短片提及一宗「藏有攻擊性武器」案件，批評法官曲解條文中「藏有」一詞嘅意思，改為「展示」攻擊性武器至可以定罪，而屈穎妍同葛珮帆都有類似嘅觀點。但事實查核實驗室就查證冼國林有可能將唔同案件溝埋嚟講，而且比較咗《公安條例》下「攻擊性武器」嘅定義同埋香港法院過往嘅裁決，法庭需要證明被告有意圖用呢啲工具傷人先告得入，從而證實冼國林發佈誤導內容，而且對法律理解錯誤[14][12]。
參選特首
編輯冼國林喺2022年1月19號宣布參選跟住進行嘅行政長官選舉[15]。佢話香港已經五勞七傷，經過20多年內耗，要刮骨療傷，配合中央政策[1]。佢喺宣布參選後接受訪問，表明同意北京未經諮詢或香港人同意，強行以「完善選舉制度」為名實施嘅新選制，又形容自己唔係老千，唔係梁振英打手，話自己唔支持佢再參選[16]。佢得到一啲激進建制派，例如何君堯、楊官華嘅支持[17]，不過多名親中陣營都睇淡冼國林嘅入閘機會，表示甚至連佢本人都唔太認識，認為佢係攪局狙擊林鄭月娥為主[18]。
佢最終都未有參選，反而力撐超哥參選。
其他個人事件同爭議
編輯名下公司爭議
編輯冼國林旗下嘅國藝娛樂文化同第一信用控股，都曾經捲入一啲上市公司爭議，2017年被有「股壇長毛」之稱嘅David Webb列入一張「50隻不能持有的港股」嘅名單，同埋俾廉政公署要求調查[19][10]。
被指使用財技欺詐散戶購買債劵套現
編輯冼國林曾經被指以欺詐同埋誇大公司資產嘅手段，呃人購買公司債劵，並且喺受害人上當之後，將債券大幅貶值吸金十數億然後失蹤，又試過訛稱公司一個租用嘅片場係公司資產。受害者以大字報方式喺街頭張貼，形容冼國林係大老千，叫佢唔好再做縮頭烏龜，回水自首[12][1]。去到佢參選之後接受香港01訪問，佢就話自己日日都喺公司[16]。
控告老婆要求攞返資產
編輯2021年7月，冼國林入稟法院告佢老婆羅寶兒，之前佢要求終止羅寶兒資產受託人嘅身分，但羅寶兒無將有關受託資產歸還，而呢啲資產涉及價值合共近1.4億元[20][12]。
涉嫌喺中文維基百科洗白
編輯喺2021年10月，學術期刊Journal of Computer Information System出版咗一篇討論管理用戶喺開放內容眾包平台（Open Content Crowdsourcing Platform）行為嘅文章，當中就提到一啲可能同冼國林有關嘅用戶，喺中文維基百科多次刪除對冼國林不利嘅內容。呢啲用戶嘅戶口名亦正係國藝娛樂嘅英文縮寫，而且亦無修改其他文章嘅紀錄。呢篇文章以whitewashing（洗白）形容呢啲行為，提到呢啲編輯已經反轉咗，又話咁樣洗白唔係恰當嘅做法[21][12]。
睇埋
編輯參考
編輯- ↑ 1.0 1.1 1.2 1.3 1.4 1.5 〈冼國林宣佈參選特首 – 從支持港英司法，到變成藍營KOL〉。原著喺2022年1月23號歸檔。喺2022年1月23號搵到。
- ↑ 賴家俊 (2018-09-21)。〈【武打星蹤】冼國林：由詠春電影到推廣洪拳〉。《香港01》 (香港中文)。喺2021-10-26搵到。
- ↑ 3.0 3.1 〈亞視農曆年前難支薪 員工可借糧〉。成報。2015-02-18。原著喺2015-09-24歸檔。喺2017-09-20搵到。
- ↑ 〈王祖藍娘爆賀冼國林〉。太陽報 (香港)。2012-04-29。喺2017-09-20搵到。
- ↑ 【獨家】細菌感染割左眼保命 冼國林康復後首現身談病情始末，香港蘋果日報，2018年11月5號
- ↑ 6.0 6.1 6.2 〈冼國林小檔案〉。www.takungpao.com.hk。喺2022-01-18搵到。
- ↑ 〈文藝界2600人聯署支持立法〉。《文匯報》。2020-05-30。原著喺2021-05-22歸檔。喺2022-08-26搵到。
- ↑ 《【冼師傅講場】｜冼國林｜EP165｜邪教法輪功必須徹底剷除》 (英文)，喺2021-10-23搵到
- ↑ 冼國林。〈立法會選舉是照妖鏡，照出鼠輩偽君子〉。喺2020-07-30搵到。
- ↑ 10.0 10.1 〈【抗暴之戰】「撐警」冼國林旗下國藝娛樂 遭廉署要求協助調查〉。原先內容歸檔喺2020-10-17。喺2020-07-30搵到。
- ↑ 〈【Fact Check】網上影片發放錯誤資訊 曲解本港及各國規管記者制度〉。喺2020-07-30搵到。
- ↑ 12.0 12.1 12.2 12.3 12.4 12.5 〈新一屆特首選舉陪跑師現身 冼國林劣績一文睇哂 – 和你報 WhatsNews Media〉 (臺灣中文)。喺2022-01-22搵到。
- ↑ FactCheckLab。〈【錯誤】港台6成員工年薪超過80萬？〉。喺2020-10-13搵到。
- ↑ 〈【誤導內容】在暴動現場被搜出士巴拿、對講機、電鑽，因藏在背包就不算「藏有攻擊性武器」？ | 事實查核實驗室 Factcheck Lab | 立場新聞〉。《立場新聞 Stand News》 (英文)。原著喺2020-11-08歸檔。喺2020-11-03搵到。
- ↑ 〈商人冼國林宣布參選行政長官｜本地｜商業電台 881903〉。《商業電台 881903》 (繁體中文)。2022-01-19。喺2022-01-19搵到。
- ↑ 16.0 16.1 陳嘉洛林劍 (2022-01-21)。〈專訪︱冼國林：我不是梁營打手！「老千」指控抹黑 倘當選推政改〉。《香港01》 (香港中文)。喺2022-01-23搵到。
- ↑ 吳倬安羅家晴 (2022-01-17)。〈藍營KOL冼國林擬參選特首 何君堯讚Fresh Air：林鄭唔好諗住贏硬〉。《香港01》 (香港中文)。喺2022-01-23搵到。
- ↑ 文維廣 (2022-01-19)。〈拆局︱藍營KOL冼國林入閘機會有多大？ 政圈料參選涉兩大目的〉。《香港01》 (香港中文)。喺2022-01-23搵到。
- ↑ 張偉倫 (2020-06-04)。〈國藝﹕廉署要求提供資料協助調查 強調對公司營運無影響及無關〉。《香港01》 (香港中文)。喺2021-10-26搵到。
- ↑ 〈冼國林入稟向妻追1.4億受託資產 稱兩度透過律師通知 惟未獲歸還 - 20210907 - 經濟〉。《明報新聞網 - 每日明報 daily news》 (繁體中文)。喺2021-10-23搵到。
- ↑ Au, Cheuk Hang; Ho, Kevin K. W.; Chiu, Dickson K. W. (2021-10-22). "Managing Users' Behaviors on Open Content Crowdsourcing Platform". Journal of Computer Information Systems (英文). doi:10.1080/08874417.2021.1983487.