屈穎妍
屈穎妍（英文：Chris Wat，係香港親中派傳媒人同專欄作家，做過電視台阿四、電影打雜、中學教師、新聞記者、雜誌編輯、顧問，喺香港中文大學畢業，主修中文。屈穎妍經常發表激進親中共言論，亦由於多次杜撰及散布謠言，引嚟唔少批評[1]。屈穎妍個老公係香港傳媒人林超榮（"超人"）。
| 屈穎妍 | |
|---|---|
 | |
| 國籍 | 中華人民共和國  |
| 母校 | 香港中文大學 |
| 職業 | 作家 |
| 配偶 | 林超榮 |
[改維基數據] | |
公職
編輯政治取向同爭議
編輯喺2014年佔領中環運動，屈穎妍支持建制派，支持反佔中，但多次喺佢嘅專欄發表警察用武力鎮壓學生同埋佔領公民廣場等同去大眾銀行打劫一樣嘅行為。佢亦曾經試過多次，喺佢嘅專欄文章混合一啲虛假資訊，例如，佢曾經發表假新聞，老屈陶傑同美國中央情報局人員食飯，結果被陶傑反駁，揶揄佢創作創作Fake News而自行『開心日報』[4]。就連部分親中派人士(例如：周梁淑怡[5])都佢作出過批評。另外，佢亦被視為梁振英嘅支持者（梁粉）之一。
另外，喺2021年4月，學術期刊Information Systems Frontier亦有文章發表，批評屈穎妍作為新聞工作者，甚至作為大學傳理學系嘅兼職講師，但就其身不正，發表假新聞同仇恨言論，令香港嘅政治兩極化加劇，而Twitter喺2019年8月移除咗唔少假帳戶同內容，當中唔少轉載咗屈穎妍嘅言論，亦正好證明呢啲對屈穎妍嘅批評[6]。
雖言論仇日但行為崇日
編輯屈穎妍成日公開痛批日本文化及日本人，亦強調香港人，尤其是細孥仔，要銘記中日之間嘅民族仇恨[7][8]。不過屈穎妍喺著作中提及，有帶自己啲女去日本，引導佢哋欣賞日本文化及以日本人為學習榜樣[9]。
主張一國一制
編輯喺2016年，屈穎妍曾向時任全國人大常委會委員長張德江去信提出期待喺香港實行違反基本法嘅「一國一制」[10]。
支持香港基本法第23條立法
編輯佢亦支持香港基本法第23條立法，喺2020年5月，佢曾經參與一份由「23同盟」、「香港政研會」同「民眾聯席」等多個激進親中派團體發起嘅聯署，要求就基本法23條立法，聯署內容又以黑暴攬炒形容香港反送中運動示威者嘅行為[11][12]。
警察疑執勤期間買海鮮，屈穎妍散播假新聞辯護
編輯喺2015年，有多名軍裝警察被影到喺街市買海鮮，涉嫌違反警察通例，但係屈穎妍就發表《連呼吸都是罪》一文，喺無證據嘅情況下，話佢哋其實在處理海鮮阻街案件，所以要帶海鮮返去做證物。有評論就反駁佢，話呢啲案件係應該由食環署處理，就算案件要警方搜集證據，現場拍攝已經可以，無需要海鮮當證物。就連警察自己嘅官方回應，都無提及呢個解釋，只係強調對警員嘅紀律要求[6][13]。
錯誤評論美國選舉制度
編輯2016年11月，屈穎妍曾經喺親中派堅料網發表《大哥蒙難了》一文，當中指喺美國276張選舉人票就做總統，比起689票（梁振英喺2012年香港特首選舉得票）少，但佢就並無提及當時香港選委會入面，唔計35名立法會直選議員同5名區議會（第二）功能組別議員，其他選委會成員都係喺只得幾十萬人有份嘅小圈子入面產生，但美國選舉人係由全國人民選出，而且只能按照所屬州份嘅普選結果投票[14]。
雙重標準針對鄺俊宇關注動物權益
編輯喺2017年10月，觀塘一間藥房有貓被指襲擊一名內地遊客，從而引起網上討論，仲有兩名本身有關注動物權益嘅立法會議員（民主黨鄺俊宇同民建聯劉國勳）嘅跟進。不過，屈穎妍就曾經撰寫專欄文章，叫人唔好考慮事情對錯，然後又批評鄺俊宇由元朗（鄺俊宇嘅區議會選區所在）踩過去唔係自己選區嘅觀塘，話佢鼓勵社會唔守法，仲話「大家可以愛心爆棚，但請別借愛心之名推倒法治」。不過，鄺俊宇同劉國勳其實都唔係地區直選議員，觀塘對於佢哋都唔算係直接負責嘅選區，但屈穎妍對於劉國勳由北區踩過去觀塘，就從未作出批評[6]。
發放假新聞批鬥 M+ 博物館
編輯香港親中派喺2021年就西九文化區M+博物館「希克系列」藏品嘅題材問題進行批鬥，其中屈穎妍喺《大公報》發表文章，當中提及嘅各樣資料都被發現錯誤，包括收藏家嘅背景、董事局成員名單等。例如，佢提到梁振英同周梁淑怡係西九文化區管理局董事局成員，又形容佢哋2012年喺董事局之間嘅討論，但兩人其實從未出任過董事局成員。屈穎妍嘅文章又話當時唐英年係副主席，但係董事局喺2014年起先至設副主席一職，至今都係由夏佳理出任。至於收藏家烏利．希克嘅背景方面，佢聲稱希克係1980年代瑞士駐華大使，但根據西九文化區網站資料，希克喺1995年先至被瑞士政府委任為大使，派駐中國、北韓同蒙古[5]。
喺文章發表之後，周梁淑怡去信《大公報》澄清從未加入西九董事局，又批評文章提及佢嘅內容全面失實，同事實嚴重不符，深表遺憾[5]。公民黨前立法會議員陳家洛亦形容，屈穎妍咁做係搞港式文革[15]。
選舉經歷
編輯喺2021年9月，佢經指定團體提名(中國文學藝術界聯合會香港會員總會有限公司)成為香港特别行政區選舉委員會體育、演藝、文化及出版界委員[16]。之後佢喺李家超無提政綱嘅情況下，有份提名李家超參與2022年香港行政長官選舉[17]。
著作
編輯- 《超人師奶與三囡囡》
- 《怪獸家長》
- 《石破天驚--傑出華人指揮家石信之》
- 《一家爽一爽》
- 《親親小熊貓》
- 《怪獸家長II》
參考
編輯- ↑ https://www.inmediahk.net/%E6%94%BF%E7%B6%93/%E8%AA%B0%E6%98%AF%E3%80%8C%E6%80%AA%E7%8D%B8%E5%AE%B6%E9%95%B7%E3%80%8D%E5%B1%88%E7%A9%8E%E5%A6%8D%EF%BC%9F#
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
- ↑ 吳倬安 (2021-10-03)。〈陶傑否認曾赴CIA飯局 諷屈穎妍「製作fake news」｜政壇諸事町〉。《香港01》 (香港中文)。喺2022-01-09搵到。
- ↑ 5.0 5.1 5.2 〈屈穎妍《大公》專欄 批鬥 M+ 博物館藏品文章錯處多 | 立場報道 | 立場新聞〉。《立場新聞 Stand News》 (英文)。原著喺2021-03-25歸檔。喺2021-03-25搵到。
- ↑ 6.0 6.1 6.2 Au, Cheuk Hang; Ho, Kevin K. W.; Chiu, Dickson K.W. (2021-04-19). "The Role of Online Misinformation and Fake News in Ideological Polarization: Barriers, Catalysts, and Implications". Information Systems Frontiers (英文). doi:10.1007/s10796-021-10133-9. ISSN 1572-9419.
- ↑ 頭條日報。〈屈穎妍 - 何必執着認故鄉｜人生馬拉松〉。《頭條日報 Headline Daily》 (中文)。喺2022-08-02搵到。
- ↑ 吳倬安 (2021-12-15)。《香港01》 (香港中文) 屈穎妍指驚嚇才記牢：就是要你驚 http://www.hk01.com/政情/712882/title=小學播南京大屠殺片學生受驚 屈穎妍指驚嚇才記牢：就是要你驚。喺2022-08-02搵到。
{{cite web}}: Check|url=value (help); Missing or empty|title=(help) - ↑ Qu, Yingyan; 屈穎妍 (2013). Guai shou jia zhang. 3, Ling gan shi dai (第Chu ban版). Xianggang. ISBN 978-988-16621-8-7. OCLC 831152541.
- ↑ 〈張德江強調一國兩制 屈穎妍再提一國一制指讀者有共鳴 (16:19)〉 (繁體中文)。明報新聞網。2016-05-20。原著喺2021-04-29歸檔。喺2019-10-26搵到。
- ↑ 〈多個團體聯署 籲特首本屆立法會完成二十三條立法〉。《文匯報》。2020-05-01。原著喺2022-09-27歸檔。喺2022-09-27搵到。
- ↑ 〈社會賢達23人 聯署支持政府立23條〉。《HKG報》 (臺灣中文)。喺2022-09-27搵到。
- ↑ 〈新聞短打│屈穎妍指軍裝警買海鮮實為工作 辯指海鮮為「證物」盡顯無知｜852郵報〉。《852郵報》 (香港中文)。2015-03-06。原著喺2021-04-20歸檔。喺2021-04-20搵到。
- ↑ 〈大哥蒙難了 - Kinliu〉。web.archive.org。2016-11-20。歸檔時間2016-11-20。喺2022-08-07搵到。
{{cite web}}: CS1 maint: bot: original URL status unknown (link) - ↑ 〈Chan Ka Lok 陳家洛〉。Facebook (英文)。喺2021-03-25搵到。
{{cite web}}: CS1 maint: url-status (link) - ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。