報仇

報仇（revenge，口語又叫fuk6 coek3）係指一個個體因為覺得報仇對象之前害過自己，而做啲嘢去傷害報仇對象。

宗教觀

《聖經》入面亦有關於復仇嘅經文，舊約聖經《出埃及記》第21章入面曾經提及「以眼還眼、以牙還牙」，代表如果被另一人冒犯嗰陣，最多只能夠用相同尺度還手，但係相關內容可能只係因為當時以色列人從埃及去到迦南（應許之地）嘅時候面臨當地外族侵擾時嘅反應，例如喺約書亞記入面敘述對耶利哥等外族民眾進行屠殺等（據聖經描述，係上帝「不悅」當時外族拜偶像同埋及姦淫罪等「罪惡」行為）。

但到咗新約聖經時代，耶穌教人要以憐憫代替報復（《馬太福音》第5章）。

喺唔同場景嘅形容

政治層面

• 喺台灣，國民黨不時支持一啲針對泛綠人士嘅罷免案，而泛綠人士有時就會形容呢啲係因為國民黨嘅前高雄市長韓國瑜喺得到泛綠陣營嘅支持下被罷免，所以國民黨嘅支持者發起報復性罷免。
• 喺香港反送中運動入面，香港警察由於對示威者施予過份暴力而備受批評，有部份聲音甚至指香港警察有份導致一啲示威者（例：周梓樂、陳彥霖）不幸喪生，於是，示威者就提出「香港人報仇」嘅口號。