維基百科

多倫多單車共享計劃

Bike Share Toronto，有譯多倫多單車共享計劃或者多倫多單車共享網絡，係加拿大多倫多嘅自助租單車服務，由多倫多泊車管理局嘅同名部門（ward[1]）負責，但係判咗畀一間私營公司營運。喺2024年大約有 9000 架單車、780 個單車站[2][3]，負責營運嘅係 Shift Transit[4][5]。

多倫多單車共享計劃標誌
多倫多單車共享計劃其中一個單車站

呢個計劃原本叫 BIXI Toronto，2011年5月3號開始服務，本來係滿地可公司 PBSC（Public Bike System Company）嘅一盤生意，淨係服務多倫多市中心，旗下 1000 架單車、80 個單車站[6]，但係呢間公司為咗買單車同起單車站，喺銀行借咗大約 450 萬加元，由多倫多市政府做擔保人[7]。

2013年，PBSC 陷入財政困難，但係因為市政府係擔保人，於是政府喺12月決定接管 BIXI Toronto[8]，方法係透過取消一份喺2007年簽咗嘅公廁合同嘅 11 個未起嘅公廁，搵到 500 萬買起哂 PBSC 喺多倫多嘅所有單車同單車站[9]（當時同公廁承建商 Astral Media 講數嘅係華裔市議員黃旻南[7][9]）；2014年4月1號，多倫多泊車管理局正式接管多倫多嘅單車共享網絡，並改名做 Bike Share Toronto[1]，當時判咗畀美國嘅 Alta Bike Share 營運，2017年改判畀 Shift Transit[10]:4。

出面網頁

編輯

參考資料

編輯
  1. ↑ 1.0 1.1 Kupferman, Steve (March 31, 2014). "Goodbye Bixi, hello "Bike Share Toronto"". Toronto Life (加拿大英文). 喺2024年7月4號搵到.
  2. ↑ "How it works" (加拿大英文). Bike Share Toronto. 喺2024年7月4號搵到.
  3. ↑ Callan, Isaac (February 6, 2024). "Toronto bike share price hike hasn't damaged growth: report" (加拿大英文). Global News. 喺2024年7月5號搵到.
  4. ↑ Kurek, D. (2020年7月8號). "Analysis: Would people use Bike Share Toronto in the suburbs?". Toronto.com (加拿大英文). 喺2024年7月5號搵到.
  5. ↑ "Contract Award - Request for Proposal Number 20190821 for Bike Share Toronto System Management" (PDF) (加拿大英文). Toronto Parking Authority. January 2, 2020. 喺2024年7月5號搵到.
  6. ↑ Tse, Jennifer (2011年5月3號). "BIXI bike-sharing officially launches in Toronto". BlogTO (加拿大英文). 喺2024年7月4號搵到.
  7. ↑ 7.0 7.1 Bergeron, François (2013年12月10號). "Moins de toilettes, plus de vélos". L’Express de Toronto (加拿大法文). 喺2024年7月5號搵到.
  8. ↑ Campbell, Dean (December 5, 2013). "Bixi Toronto taken over by City of Toronto". Canadian Cycling Magazine (加拿大英文). 喺2024年7月4號搵到.
  9. ↑ 9.0 9.1 Spurr, Ben (December 4, 2013). "City takes over Bixi program". Now (加拿大英文). 喺2024年7月4號搵到.
  10. ↑ "Bike Share Program Operations & Fee Considerations" (PDF) (加拿大英文). Toronto Parking Authority. June 8, 2018. 喺2024年7月4號搵到.
由「https://zh-yue.wikipedia.org/w/index.php?title=多倫多單車共享計劃&oldid=2156124」收