《多功能老婆》（英文：Wonder Woman）係香港無綫電視拍攝製作嘅都市女性勵志寫實愛情喜劇電視劇，有25集，由楊千嬅、周柏豪同埋黃浩然領銜主演，由陳煒、洪永城、朱晨麗同埋王梓軒聯合主演，並由許紹雄、黃錦燊及苗可秀特別演出，編審係陳寶華同湯健萍，而總監製係陳寶華。呢套劇係52周年台慶劇，喺2019年11月25日至12月27日期間逢星期一至五晚21:30喺翡翠台首播，係講一個關於失婚女人藍飛嘅故事。
