多巴胺

多巴胺（英文：dopamine，嚟自3,4-dihydroxyphenethylamine）係腦入面嘅神經傳遞素一種，同快感有好大關係，可以影響一個人嘅情緒。

簡介

多巴胺係一種神經遞質，用嚟幫細胞傳送脈衝，主要負責大腦嘅情慾、感覺，傳遞興奮同開心嘅信息，同上癮有關。

愛情嘅感覺對應到生化層次，同腦入面產生大量多巴胺起嘅作用有關。

吸煙同吸毒都可以增加分泌多巴胺，令上癮者覺得開心同興奮。多巴胺傳遞開心、興奮情緒嘅呢個功能，醫學上用來醫抑鬱症。

多巴胺不足或者失調就會令人冇咗控制肌肉嘅能力、或者集中唔到注意力。冇能力控制肌肉嚴重嘅時候會搞到手腳不由自主噉震、以至患柏金遜症。

當我哋積極做某啲嘢時，腦入面會好活躍噉分泌大量多巴胺，但係多巴胺分泌過量會過度消耗體力同熱量，搞到早死。

極端情形好似亨丁頓舞蹈症就係多巴胺分泌過多引起嘅病。患者四肢同身體會好似跳舞噉不由自主地抽動，做成日常行動不便，疾病發展到晚期，病人嘅生活無法自理，冇咗行動能力，講唔到，容易哽到，甚至食唔到。