開主選單

大嶼山巴士跌落山坑

大嶼山巴士跌落山坑係喺1973年7月22號香港大嶼山嘅交通失事,有成17死23傷,係嗰時香港開埠以嚟死得人最多、同而家為止死得第四多人嘅交通意外。

出事係星期日下晝兩點半,新大嶼山巴士嘅36座位巴士由昂坪開去梅窩,喺羗山深屈道交界避一架私家車,失控撞向右邊山坡,反彈撞穿防撞欄,跌咗300(100)之下嘅山坑。唔死得嘅乘客話,架巴士落地嗰吓,十足爆炸咁。巴士個頂撞到揭開,咗部份乘客出外便嘅山邊。政府派出成百人同五架直升機去現場救人,個山頭環境好惡搞,拯救人員搞足七個鐘先救晒啲死同傷嘅出嚟。

意外之後,寶蓮寺嘅僧人喺嗰度做咗場法事。路旁重放咗「南無阿彌陀佛」嘅石牌。事後巴士司機被控危險駕駛罪,罰款千五蚊同停牌十二個月。

睇埋

參考