大陸,從地理意義嚟講,係指面積大過格陵蘭陸地,並且有別於「大洲」,地球上最大嘅大陸係歐亞大陸,最細嘅係澳洲大陸

地球上共有5塊大陸:歐亞大陸、非洲大陸美洲大陸南極洲大陸、澳洲大陸。

從地質上嚟睇一個大陸除咗位於海平面上嘅陸地部分外,重包括環繞住佢嘅大陸架。大陸架嘅地殼平均密度係2.8克/立方厘米,同大洋底嘅地殼平均密度(2.9克/立方厘米)差好遠,噉係因為兩種地殼嘅組成部分同埋形成過程唔同—大陸嘅成份大致接近花崗岩(比較多二氧化矽),厚度亦都多好多。用依個標準,地質學家提出多一個「隱形」大陸,叫做西蘭大陸,而佢包括咗紐西蘭新喀里多尼亞同佢哋附近一大片冇露出水面嘅厚地殼。

因為板塊運動,各大陸亦都經歷過唔同嘅離離合合。地質學家都同意所有嘅大陸都係由二億年前嘅一個超級大陸盤古大陸分裂而成。

睇埋