大靈貓
大靈貓係靈貓科嘅一種。佢又叫五間狸，因為條尾有5條黑白間環狀斑紋。
 | ||||||||||||||||
|---|---|---|---|---|---|---|---|---|---|---|---|---|---|---|---|---|
  | ||||||||||||||||
| 物種分類 | ||||||||||||||||
| ||||||||||||||||
| Viverra zibetha (Linnaeus, 1758) |
分布
編輯分布響亞洲南方各省區。生活於熱帶、亞熱帶林緣灌叢。以前好常見，而家已經越來越少。
習性
編輯大靈貓生性孤獨，夜行性。鍾意響樹樁、岩石上摩擦陰部。食物包括老鼠、青蛙、雀仔、蝸牛、昆蟲、果實等。部分消化唔到嘅嘢可以響啲屎度見到。
繁殖
編輯春季發情，夏季生仔，每胎3-4隻。
經濟價值
編輯大靈貓嘅經濟價值好高，毛皮可以整裘；分泌嘅靈貓香係香料工業重要原料。生態上對抑制鼠害、蟲害亦有重要作用，亦係重要嘅種子傳播者。屬於國家一級受保護動物。
亞種
編輯- 大靈貓華東亞種（Viverra zibetha ashtoni），Swinhoe喺1864年命名。分布中國喺江西、陝西、貴州、安徽、湖南、江蘇（南面）、四川、西藏、廣西（東面）、廣東（包括香港）、福建、浙江、湖北、雲南（東北部）等地。佢嘅模式產地喺福建閩江嘅水口。
- 大靈貓海南亞種（Viverra zibetha hainana），Wang et Xu響1983年命名。分布海南島等地。佢嘅模式產地響海南吊羅山。
- 大靈貓印緬亞種（Viverra zibetha picta），Wroughton響1915年命名。分布於印度（阿薩姆）、緬甸（北面）同埋中國嘅雲南（西北部）、西藏等地。佢嘅模式產地響緬甸北部親敦江。
- 大靈貓印度支那亞種（Viverra zibetha surdaster），Thomas響1927年命名。分布喺緬甸（東南面）、越南、寮國、泰國（北部）同埋中國嘅貴州（西南面）、雲南（南部）、廣西（西南部）等地。佢嘅模式產地喺寮國杭康XiangKhunang。
香港嘅情況
編輯
香港喺1950年代之前仍然有大靈貓出現，但而家已經冇晒。而家唔同嘅科學家重拗緊應唔應該再「重新引入」大靈貓返香港繁殖。
睇埋
編輯 |