香港哺乳動物

本頁——香港哺乳動物，介紹響20世紀至今香港境內（原生及外來）嘅野生哺乳動物，品種近百。

香港喺面積同物種比例上，其實可以同海南島、台灣等大島相比。而家住嘅香港響市區之外有好多郊外同水域，由於大部份嘅哺乳動物都係夜晚先出動、響山頭野嶺搵食四圍走，佢哋好驚人，所以都好難搵到佢哋。一啲個別品種：例如馬騮、中華白海豚等，因為出現範圍同時間都較為固定，成為少數可以被一般市民發現嘅野生哺乳動物。

香港響1000年前係熱帶雨林[1]，加上位於華南一帶同埋有好多唔同形式嘅生態環境，所以估計一啲源自中國同東南亞嘅野生哺乳動物都應該曾經喺香港出現，東南亞例子就好似有亞洲象、犀牛、水鹿、老虎、豹、亞洲豺犬等，中國品種例如赤狐、鬣羚、貉、亞洲黑熊等。而海洋裏面除咗擱淺或途經香港嘅鯨豚類外，可能都係儒艮嘅原生分佈地。但有好多品種都經唔起香港社會的發展壓力同人為因素，數量開始減少甚至已經喺本地絕種，而過往的文獻亦只有零星嘅記載，所以我哋好難估計香港以前嘅野生哺乳動物究竟有幾多種。雖然過去都有人從事研究香港野生哺乳動物嘅文獻，但真正作出有系統嘅研究都只係近幾年嘅事。

喺20世紀60到70年代，豪豬、豹貓同野豬呢啲中至大型哺乳類動物亦瀕臨本地絕種，好彩香港政府響受影響嘅保護區內大量植林，同保護海洋嘅資源，依啲哺乳動物群落先可以喺香港再次繁衍落嚟。

有記錄嘅物種改

以下記載20世紀至今，喺香港出現過嘅野生品種。

空改

翼手目 Chiroptera改

泛指所有蝙蝠。現今全球蝙蝠估計接近1000種，佔咗所有哺乳動物嘅四分之一，僅次於嚙齒目成為第二大目。蝙蝠因為手指骨發展成翼嘅關係，成為唯一會飛嘅哺乳動物。蝙蝠可分為2大類：大翼手亞目同小翼手目亞目。

 
短吻果蝠
 
褐山蝠

陸改

偶蹄目 Artiodactyla改

 
赤麂
 
水牛

蹄呈雙數係偶蹄目嘅主要特徵，全球種類大約200種，包括所有牛、羊、長頸鹿同野豬等等。偶蹄目動物係人其中一種主要肉食來源，所以對人非常重要。以前香港可能重有水鹿、鬣羚等大型動物，但而家就只有少數原生物種同外來入侵種。

  • 鹿科 Cervidae
    • 赤麂 - Muntiacus muntjak
    • 黃麂 - Muntiacus reevesi micrurus (Sclater, 1875)（未確定種）

食肉目 Carnivora改

 
豹貓
 
水獺

食肉目現時全球大約有260種，主要特徵係有一對銳利嘅犬齒，用嚟咬死獵物同撕開獵物嘅肉，已絕種於香港嘅華南虎更係食物鏈嘅最頂層次，不過而家已經俾野狗取代。而香港現今嘅野貓、野狗數目過多，亦為香港帶嚟嚴重嘅生態危害。

  1. 食蟹獴 - Herpestes urva formosanus (Bechthold)
  2. 紅頰獴 - Herpestes javanicus（可能係引入種）
  • 鼬科 Mustelidae
    • 黃腹鼬 - Mustela kathiah (Hodgson)（新發現種）
    • 黃鼬 Mustela sibirica（新發現種）
    • 黃喉貂 - Martes flavigula chrysospila (Swinhoe, 1866)（未確定種）
    • 鼬獾 - Melogale moschata subaurantiaca (Swinhoe)
    • 水獺 - Lutra lutra chinensis (Gray)
  • 貓科 Felidae
    • 野貓 - Felis catus (Linnaeus)（入侵種）
    • 豹貓 - Prionailurus bengalensis chinensis (Gray, 1837)
    • 豹 - Panthera pardus（絕跡）
    • 華南虎 - Panthera tigris amoyensis（絕跡）

靈長目 Primate改

 
馬騮

靈長目嘅代表分別有狐猴、馬騮、大猩猩同人等。佢哋分布喺全球各地唔同地方。因為腦比例較大，所以比其他哺乳動物聰明。

鱗甲目 Pholidota改

鱗甲目包括全球8種穿山甲，同食蟻獸一樣都係以螞蟻、白蟻等昆蟲為主，有好鋒利嘅爪，好長嘅脷同一身鱗片，以便搵蟻洞同自衛。

嚙齒目 Rodenta改

 
馬來豪豬
 
赤腹松鼠

嚙齒目所佔嘅目係哺乳動物之中最大（差唔多近4成）。佢哋有兩排分別位於上顎同下顎嘅臼齒，需要不斷咬嘢以便摩擦。好多嚙齒目動物都好細隻，但亦有一啲大隻嘅品種（例如馬來豪豬）。喺香港，過往亦都係鼯鼠嘅原生分布地，但經唔起香港嘅發展，最近都喺本地絕晒種。

食蟲目 Insectivora改

食蟲目係指專食昆蟲同蚯蚓，好似老鼠嘅陸上哺乳動物，例如鼴鼠等更加會掘地洞來住。

海改

鯨目 Cetacea改

 
中華白海豚

鯨目包括所有嘅鯨豚類，佢哋係真真正正嘅海洋哺乳動物。擁有流線型嘅身體，肺活量亦較大，需要游上水面呼吸。除咗中華白海豚同江豚係香港原生物種外，其他記錄都係誤闖水域或擱淺品種。據講鄰近香港嘅大亞灣一帶，以前亦係鯨魚聚居嘅地方，但經唔起捕獵壓力而喺本地絕種。

海牛目 Sirenia改

儒艮係一種大型嘅海洋哺乳動物，廣泛分布喺熱帶同亞熱帶嘅濕地、海洋裏面，但海牛開始頂唔住香港鄰近地區嘅人為污染同捕獵壓力，所以已經滅絕。

保育價值改

作為香港生態系統裏面嘅頂級位置，現今喺香港境內生存嘅野生哺乳動物都有佢哋嘅存在價值。例如蝙蝠品種中，既有控制害蟲數量嘅品種，亦有傳播花粉同種子嘅品種；香港嘅次生林，除咗人為植樹之外，亦都要靠靈貓、馬騮等其他陸上哺乳動物傳播種子先可以成林，森林內一啲天然藥物同害蟲、害獸數量亦都係由佢哋幫手播種同控制；本地原生嘅海豚響生理構造上同人類好相似，而佢哋所食嘅海產，亦係人類主要食物來源，所以可作為評估海洋健康程度嘅重要指標。

參考改

  • 文章內容：
  • 識飛嘅哺乳動物：
    • 《香港物種探索》第1-14期
    • 《野生動物報導文學系列：蝙蝠的危機（上）》
    • 《香港陸上哺乳動物圖鑑》ISBN-13 978-988-211-331-2，ISBN-10 988-211-331-1
  • 陸地上嘅哺乳動物：
    • 《香港獼猴》ISBN 962-07-5396-8
    • 《香港陸上哺乳動物圖鑑》ISBN-13 978-988-211-331-2，ISBN-10 988-211-331-1
    • 《野生動物報導文學系列：模糊的腳印》ISBN 962-86308-2-2
    • 《野生動物報導文學系列：走樣的臉孔》ISBN 962-86308-3-0
    • 漁農自然護理署網頁[2]

睇埋改

註改

  1. ↑ Herklots, 1951; Marshall, 1967; Lofts, 1976; Hill and Philipps, 1981; Goodyer, 1992; Reels, 1996; Samuel, 1997; Ades, 1999
  2. ↑ BeeMedia; AM730. "C觀點 - 香港何來這麼多猴子". AM730 香港免費派發的報紙 (Online Edition of am730). 喺2021-05-31搵到.
  3. ↑ "香港生物多樣性數據庫". www.afcd.gov.hk. 喺2021-05-31搵到.
由「https://zh-yue.wikipedia.org/w/index.php?title=香港哺乳動物&oldid=1625418」收