天秤座

  想搵占星術嘅天秤座嘅話，請睇天秤宮。

天秤座（Libra）係家下八十八西洋星座之一。佢響天球赤道一帶，佔天球面積538平方度。地球北半球來講，天秤座係夏天嘅星座，即係夏夜會見到。肉眼可以睇到嘅星，約莫60粒到。有一到四等星7粒，即係有3等星3粒、4等星4粒。

天秤座
Libra

星座
天秤座恆星一覽
縮寫	Lib
所有格	Librae
象徵物	天平
赤經	15
赤緯	−15
面積	538平方度 (第29位)
流星雨	天秤座五月流星雨
鄰接 星座	巨蛇座 處女座 長蛇座 豺狼座 天蠍座 蛇夫座
可見嘅緯度範圍： +65°至−90°之間 最適合觀賞嘅月份：6月

天秤座係個黃道星座，天文符號♎，響處女座同天蠍座之間。

讀音

「天秤座」呢個天文學名詞係中國天文學會名詞譯名委員會參考咗日文漢字「平秤座」而嚟，係講希臘神話中，正義女神用天平呢個工具去「秤」（衡量）善惡嘅故事，故此採用「天秤」嘅故事而唔係用「天平」呢種磅重工具做中文嘅決定譯名，因此「秤」字唔係讀「平」音，要讀「稱」音。隋朝佛教典籍《大乘大方等日藏經》，按照西方神話故事將而家嘅天秤座譯做「秤量」之神。亦顯示中國最早翻譯呢個星座名嗰時「秤」字係讀「稱」音而唔係讀「平」音。

不過民間約定俗成下，多數人都將「秤」讀「平」音，譬如用「天秤座」命名嘅2012年颱風天秤，香港天文台同各大媒體都一樣讀「平」音。

歷史

天秤座係古希臘托勒密所編嘅托勒密48星座之一。