天星小輪加價騷亂

天星小輪加價騷亂係香港一騷亂，時爲一九六六年四月。嗰年香港政府批准天星小輪加價五仙，引來輿論反對，葉錫恩帶頭收集簽名請願信。後蘇守忠喺香港島天星碼頭絕食，十人加入。差人拉咗蘇守忠，其他絕食者喺九龍彌敦道抗議，引來二千之眾。最後變九龍兩晚騷亂。

蘇守忠嘅白字黑背心外套

當其時香港總督爲戴麟趾，呢次加價風暴，令佢民望一度受挫。

當時社會

一九四五年八月香港重光，其時只淨六十萬人口。二年幾，一九四七年尾，已升致一百八十萬人。香港國共內戰之時，收納大批中國難民。一九六一年再升到三百一十萬。到一九六六年四月，人口去到三百七十幾萬。

難民來得太急太多，不少身無長物，香港政府未能大幅改善生活，社會不安，引起一九五七年雙十暴動。社會不公，二十世紀五十到六十年，政府貪污變得嚴重，連香港總督都大爲頭痛。各政府官吏，尤其係差人，包庇幫會、毒販、惡霸，以致社會上罪惡橫有橫行。香港有好多細路仔出世，當時好多年青人口，十五歲以下，佔香港人口四成，尤以九龍爲最。屋宇條件惡劣，供不應求。不過當時差唔多全民就業，失業人數好低。

政府在之前已加唔少稅，如香煙稅、汽油稅，再來薪俸稅、存款稅，再來停車場加費，寄臺灣及大陸郵件加費，市民視之爲加價狂潮。當時天星小輪，仍係來往港九主要交通工具，加價大大影響市民，引來社會反對。

申請加價

天星小輪，一九四六年四月一號定下票價，到當年已有廿年。其間只喺一九五一年八月，月票加過價，一程船費，並無變過。

一九六五年十月一號，公司向政府申請加價，中環到尖沙嘴，頭等兩毫加到兩毫半，二等維持一毫不變。

加價主要理由，成本大增，人工加咗，船同碼頭維皮費貴咗。一九六四年六月，公司順應政府要求，開港島到紅磡嘅渡輪，客量多咗，票價收入追唔上成本大增。而政府會一九七零年開紅磡海底隧道，前景不明。

輿論

而輿情認爲，天星小輪過往有盈利甚豐，預見未來都有增長。而佢服務唔好，又係獨市生意，賺到笑。社會恐防加價，有損失經濟氏穏定。天星小輪一加，其他會跟住加，窮人會百上加斤。

因此社會一面倒反對加價。

請願

反對公共交通增通票價民眾請顠書

三月廿號，葉錫恩發動人簽名請願信。四月三號，有二百個團體請願。都反對加價申請。

絕食

蘇守忠時實齡廿七歲，講廣東話，傳聞做美術、翻譯或者失業。四月四號，佢喺港島天星碼頭閘口同隧道之間，有蓋地方度絕食，時爲朝早九點鐘左右。佢受馬文輝同葉錫恩所啟，會絕食到暈低或者撤銷加價。佢企喺自己帶來嘅三腳摺凳，着住黑背心外套，用白油寫上唐字英字抗議。引來大批市民圍觀，市民多表支持同慰問。

晏晝，盧景石，唐人葡人混血兒，同蘇守忠傾謁。挨晚，葉錫恩到場探望。佢話支持葉錫恩，覺得寫咗咁多信都無用，要抗議。同係挨晚，盧景石同蘇守忠，打算聽日齊齊演講。四月五號子夜過後，天星小輪收船無耐，蘇守忠亦返屋企睏覺。

四月五號，朝早報紙廣爲報導蘇守忠絕食。葉錫恩亦贊揚其行。朝早十一點早少少，蘇守忠重返碼頭，去返之前個位，再引來市民到記者。首位加入絕食，叫歐陽耀榮，十六歲，係個學生。其後有盧麒，十九歲，工廠工人。

蘇守忠提議之下，歐陽耀榮同個後生仔，坐船過九龍天星碼頭，帶黑衫示威，並喺九龍呢邊叫人簽名支持，令兩岸都有活動。

而港島呢邊，盧景石同蘇守忠，喺處齊齊演講。工廠女會計呂鳳愛加入。

晏晝三點鐘，蘇守忠移走去頭等閘口外，幾分鐘之內，有成六十到一百人聚集，塞住閘口。三點九，差人叫蘇守忠移離，如果唔移就拉人，而蘇守忠唔理。四點，差人帶走佢去中環差館。之後落案票控佢阻街，蘇守忠拒絕收票。

港督府抗議

在港島成員卽往港督府，要求香港總督戴麟趾放人。府只許一人入，於是乎由盧景石入。但港督開會唔得閒見。九龍成員到達，打去學校搵葉錫恩求救，唔係度。但得知喺雪廠街開會，飛去等佢出來。見到葉錫恩同貝納琪。

遊行示威

四月五號入黑，遊行由尖沙嘴到深水埗再折返尖沙嘴。

騷亂

四月六號再起示威。是日示威有人趁機搞事，變成騷亂。

加價

雖然民情洶湧，港督依然批准加價。

調查

五月三號，香港總督委任調查騷亂原因一及經過。

之後

由於政府嘅改善溝通渠道建議未嚟得切實行，未能平息社會不滿，翌年四月廿六號再批准天星小輪加價五仙，香港左派受大陸文革影響發動六七暴動。