天星小輪
天星小輪係香港歷史悠久嘅渡海小輪公司，喺維多利亞港兩岸服務，由香港島來往九龍。
| 開檔 | 1898年5月1號 |
|---|---|
| 總部地址 | 香港 |
| 產業 | 渡海小輪服務 |
| 母公司 | 九龍倉集團 |
| 網址 | http://www.starferry.com.hk/ |
天星小輪係旅客遊覽維多利亞港最好嘅方法，近年更俾國家地理旅遊雜誌寫係「人生50個必到景點」之一[1][2]，同埋俾美國旅遊作家協會（Society of American Travel Writers）選做「全球十大最精彩渡輪遊」嘅第一[3]。
而家嘅航線
編輯收費
編輯收費以港元計算，由2012年6月24號起生效：
| 航線 | 適用日期 | 成人收費 | 小童／殘疾人士收費 | 其他收費 |
|---|---|---|---|---|
| 尖沙咀－中環 | 星期一至五 | 上層$2.5 下層$2.0 |
上層$1.5 下層$1.4 |
月票收$125.0 |
| 星期六、日同公眾假期 | 上層$3.4 下層$2.8 |
上層$2.1 下層$2.0 | ||
| 尖沙咀－灣仔 | 星期一至五 | $2.5 | $1.5 | 月票收$125.0 |
| 星期六、日同公眾假期 | $3.4 | $2.1 |
- 65歲以上人士出示長者咭或香港身份證可以免費搭船；由2012年6月24號起，長者用長者八達通亦都可以免費搭船。
- 殘疾人士一定要出示殘疾人士登記證先可以有搭船優惠，而用「殘疾人士身分」個人八達通卡嘅殘疾人士會收成人船費。
政府批准天星小輪嚮2008年4月1號開始，成人票價由$5.3元加到$6。天星小輪話，中環天星碼頭搬咗之後，客量跌咗15%[4]。
由2009年3月29號起，批准天星小輪（尖沙咀↔中環／灣仔）加價[5]。
時間表
編輯
|
| ||||||||||||||||||||||||||||||||||||||||||||
|
| ||||||||||||||||||||||||||||||||||||||||||||||||||||||||||||
歷史
編輯
戰前發展
編輯大約嚮1888年（另一講法係1871年[6]），一位波斯拜火教（即祆教）教徒Dorabujee Naorojee Mithaiwala開咗九龍渡海小輪公司來往尖沙咀同中環。1898年，九龍倉集團收購九龍渡海小輪公司，並改名做「天星小輪公司」。
天星小輪開嗰陣，只係得5艘燒煤炭發動嘅單層船隻。嗰時渡輪班次係40分鐘一班，穿梭中環同尖沙咀，船費係每人港幣5仙（HK$0.05）。
1904年，天星小輪嚮當時嘅九龍角（家下尖沙咀天星碼頭及海運大廈一帶）起新嘅天星碼頭，到1906年4月1號起好。同年9月18號，九龍角天星碼頭俾颱風吹壞左，到1911年先重新恢復。
1916年，近尖沙咀天星碼頭嘅尖沙咀火車站起好，令乘客量大幅上升。
1918年，用燃燒煤塊製造蒸氣來郁嘅機動輪船正式啟用，被叫做「過海火船」。自此，各小輪嘅命名都以「星」字編排。
1920年初，買到由黃埔船塢製造兼自己設計嘅5艘單層小輪船，合共可載286人。
1924年、1926年及1928年，陸續增加5艘可載555人嘅雙層小輪船。
1933年，天星小輪攞到來往尖沙咀至中環航線嘅專營權。同年，天星小輪引入佢第一艘用「電星」命名嘅柴油內燃機輪船。
第二次世界大戰期間，日本嚮1941年攻打香港，儘管戰情嚴重，機槍及砲彈聲係咁響，天星小輪仍決定將渡輪服務維持到12月12號朝早10點正，喺英軍嘅控制下，疏散仲喺九龍半島嘅難民，軍隊同要員。之後，天星小輪嘅服務停咗三年零八個月，係成立以來最長嘅停頓。受戰火影響，電星號、北星號俾日軍打沉，而天星號、午星號、夜星號亦沉沒喺大海中。
至1949年，天星小輪恢復到6艘小輪航行。
戰後發展
編輯1966年4月，天星小輪因將頭等船費加價5仙（由2毫加到2毫5仙），事件引起市政局民選議員葉錫恩嘅關注同蘇守忠等嘅絕食抗議，之後更觸發九龍區嘅騷亂同暴動，當時嘅紅磡渡輪服務亦一度被逼中斷，事件去到4月10日先告一段落，之後叫做天星小輪加價事件。
1967年5月，由於發生六七暴動，港島北岸實施宵禁，所有渡輪服務暫停。後嚟，中環至尖沙咀航線喺同年6月恢復有限度服務，但係中環至紅磡航線就一直停航，直至1975年11月配合紅磡火車站開業先至重新提供服務。
1972年、1979年、1989年、1997年，香港三條海底隧道及地鐵分別啟用。天星小輪雖然面對過海隧道巴士同地鐵加入競爭，但仍憑佢相對低廉嘅收費同唔使塞車嘅優勢，每日仍吸引超過70000名乘客搭。
1998年，天星小輪有限公司成立100周年紀念，當時嘅郵政署亦為此發行紀念郵票。
1999年4月1日，天星小輪接辦原本由油蔴地小輪經營嘅紅磡至灣仔航線。
2003年開辦叫做「天星維港遊」嘅海上遊；遊客可搭仿照1920年代設計嘅天星小輪「輝星號」暢遊維多利亞港。
2005年6月8號，政府撥款2.7億元將尖沙咀天星碼頭隔離嘅巴士總站搬去尖東永安廣場隔離嘅新交通交匯處，預計2009年落成啟用，而原址就改成廣場。但直至2011年3月，天星碼頭巴士總站重有巴士做總站。
2006年11月12號，往返中環嘅渡輪服務由本來嘅愛丁堡廣場碼頭改去中環碼頭7號同8號碼頭，受影響嘅包括中環↔尖沙咀、中環↔紅磡渡輪服務同天星維港遊嘅渡輪服務。
2011年3月31號，由於長期虧蝕，天星碼頭最後一日提供紅磡至灣仔以及紅磡至中環兩條航線，之後兩條航線因為冇人接而停航。
保留舊中環天星碼頭事件
編輯2006年尾，服務49年嘅愛丁堡廣場碼頭俾香港特區政府收番，引發一連串示威、靜坐等抗議事件。最後房屋及規劃地政局局長孫明揚堅持拆，之後碼頭俾圍板封鎖，之後拆埋，而被受關注嘅鐘樓部分就棄置喺屯門堆填區，當中更搞到香港立法會休會辯論，同埋令行政長官曾蔭權嘅民望一度下跌。2006年11月12號，由尖沙咀往返中環嘅渡輪服務由本來嘅愛丁堡廣場碼頭改為中環七號碼頭。
近代船隊
編輯天星小輪屬下船隻，個名都有「星」字，現時船隊就由12艘燒柴油嘅內燃機雙層船隻組成。嚮1989年加入服務嘅最新船隻「金星」和「世星」，載客量係762人（包括下層企位），其餘船隻就載客552人。天星小輪已經喺所有小輪上層嘅頭、尾端船艙，裝咗冷氣。
翻新改裝船隊
編輯| 船名 | 英文船名 | 服役年份 | 備註 |
| 金星 | Golden Star | 1928-1968年 | 第1代，已退役 |
| 電星 | Electric Star | 1933-1968年 | 已退役 |
新建船隊
編輯| 船名 | 英文船名 | 服役年份 | 圖片 | 備註 |
| 東星 | Oriental Star | 1955-1973 | 已退役，賣咗去新加坡 | |
| 天星 | Celestial Star | 1956年 | 
|
用得最耐嘅現役小輪，而家擺緊，自2011年10月起泊咗喺青衣北對開海面 |
| 耀星 | Radiant Star | 1956-1971年 | 已退役，賣咗去唔知邊度 | |
| 午星 | Meridian Star | 1958年 | 
|
第2代，配電動跳板，552P，2012年改裝為天星維港遊後備船隻，再喺2013年改裝番做普通渡輪規格 |
| 日星 | Solar Star | 1959年 | 
|
配電動跳板 |
| 北星 | Northern Star | 1959年 | 
|
第3代，曾經係美國薩凡納藝術設計大學（SCAD）嘅主題船隻，最後一艘改用電動跳板嘅現役小輪 |
| 夜星 | Night Star | 1963年 | 
|
第2代 新一代亞洲國際都會主題船隻 |
| 輝星 | Shining Star | 1964年 | 
|
天星維港遊專用船，配電動跳板 |
| 晨星 | Day Star | 1964年 | 
|
配電動跳板 |
| 熒星 | Twinkling Star | 1964年 | 
|
|
| 曉星 | Morning Star | 1964年 | 
|
配電動跳板 前亞洲國際都會主題船隻 |
| 銀星 | Silver Star | 1965年 | 
|
配電動跳板 |
| Pacific Princess | 1988-1989年 | 
|
1970年代初建造，喺澳洲買入，原名Temeraire II，一度改名為「后星」（Lady Star）投入渡輪服務，後嚟再翻新做九龍倉集團遊艇並改咗而家嘅名 | |
| 金星 | Golden Star | 1989年 | 
|
第2代，762P，曾經係天星維港遊使用渡輪之一，喺2011年賣咗去中國大陸 |
| 世星 | World Star | 1989年 | 
|
天星船隊中載客量最高嘅小輪，配電動跳板，762P，而家擺緊，自2011年6月起泊咗喺青衣北對開海面，等住賣 |
租借船隊（全數已退租）
編輯| 船名 | 英文船名 | 租用期 |
| 龍星 | Dragon Star | 1988-1989年 |
| 海王星 | Neptune Star | 1999-2000年 |
| 耀星 | Glowing Star | 2000-2005年 |
睇埋
編輯-
1920年代嘅尖沙咀天星碼頭 -
現時嘅尖沙咀天星碼頭 -
第2代中環天星碼頭（1912年—1957年） -
第3代中環天星碼頭（1958年—2006年11月）
參攷
編輯出面網頁
編輯
 |