天葵路（英文：Tin Kwai Road）係香港新界元朗區天水圍東北部一條路，由天龍路開始，去到濕地公園路，長0.85公里。
天葵路係天水圍新市鎮其中一條路，喺1990年代中期起，配合嘉湖山莊第四（即嘉湖銀座）到第七期嘅發展。
天葵路早期路段只係得天龍路（近嘉湖山莊7期景湖居）到天華路嘅一段，喺天水圍新市鎮擴建嗰陣延伸到濕地公園路（近慧景軒），係共享單車嘅違例泊車黑點。
