元朗區
香港十八區之一
元朗區（Yuen Long District）係一個位於香港新界西北部嘅地方行政區。
地理
編輯元朗區由廈村鄉（包括洪水橋、白泥、流浮山等地）、屏山鄉（包括元朗市中心西部、橫洲、天水圍、尖鼻咀等地）、十八鄉（包括元朗市中心東部、英龍圍、凹頭、南生圍等地）、錦田鄉、八鄉（包括石崗等地）新田鄉（包括落馬洲、米埔等地）所組成。元朗區東至洲頭，同北區嘅馬草壟相鄰，南至洪水橋，同屯門區嘅藍地相連。
據2006年香港人口普查資料，元朗人口大概係53萬人。面積大概138平方公里，係九龍嘅三倍，香港島嘅1.8倍，大嶼山嘅一倍。
元朗係一個沖積平原，亦係香港唯一一個平原，大概喺唐、宋年間形成。元朗平原水土肥沃，過去盛產稻米，元朗絲苗曾經係1950年代喺華南一帶好出名嘅米，可以同增城絲苗競爭。居民沿岸建立基圍，養殖水產，包括：基圍蝦、淡水魚等等，元朗出產嘅老婆餅亦係馳名海外。
睇埋
編輯