天長
32°41′15″N 118°59′59″E / 32.68750°N 118.99972°E
| 天長 | |
|---|---|
| 天长市 | |
| 經緯度 | |
| 國 |  中華人民共和國 |
| 省 | 安徽 |
| 縣級政區 | 副地級市 |
| 總面積 | 1770 km² |
| 人口 | |
| 總人口(2012) | 62萬人 |
| 時間 | |
| 時區 | 中國時區（UTC+8） |
| 網站： 天長市府 | |
想搵第二個意思嘅話，請睇天長 (搞清楚)。天長（長讀場，粵音：tin1 coeng4），行政上叫天長市，屬於中國安徽省，響安徽東部。天長離揚州 51 千米，南京 75 千米。
政區
編輯史
編輯天長喺唐玄宗天寶元年（公元742年）正式置縣，歷史1257年。
1993年12月經國務院批准撤縣設市。2001年底，36個鄉鎮合併做28個鄉鎮（街道辦事處）。
名
編輯天長係唐玄宗爲咗賀自己生日而特設嘅。唐玄宗雖然貴為天子，不過又想長生不老，嗜好神仙，喺729年自己生日時喺花萼樓宴請百官，「百寮表請以每年八月五日爲千秋節」；奸相李林甫以靈符呈瑞，表上尊號，唐玄宗信到十足，落詔改元，開元三十年改爲天寶元年；李林甫爲咗𧨾皇帝開心，當年「割江都、六合、高郵三縣置千秋縣」，呼應千秋節。杜甫就寫過首《千秋節有感》「自罷千秋節，頻傷八月來，先朝常宴會，壯觀已塵埃。」講嘅就係呢件事。
天寶七年（748年）群臣又賀千秋節，李林甫又話吾皇萬歲，千秋得一千年少得滯，陛下同貴妃雖不可與天地同生，亦應與天地齊壽，於是「千秋節」改口「天長節」，相應千秋縣改名天長縣。「天長」意思係「似天咁長命」，所以長讀場。
方言
編輯天長市因為三面接壤江蘇省，本地方言基本係揚州話。1942年，天長籍貫嘅藝術家何仿從家鄉搜集民歌《茉莉花》整理，1959年由中國青年藝術團帶到維也納嘅第七屆世界青年與學生聯歡節上，如今更喺海內外華人中廣泛流傳。
地理氣候
編輯天長地處華東腹地，南臨長江，北枕淮河，東臨高郵湖，西傍京滬鐵路，205國道—寧連高速公路以及起緊嘅寧淮高速公路縱貫境內，市區距離揚州 51 公里，南京 75 公里，到上海要 3 個鐘頭左右；水路經高郵湖直到沿江、沿海各大港口。天長係東部沿海地區同埋內陸中部地區嘅跳板，長三角經濟區重要嘅配套加工業生產基地。