八三一太子站事件
八三一太子站事件，又叫太子恐襲，係2019年8月31號晚喺港鐵太子站發生嘅恐怖襲擊，警方嘅速龍部隊成員同防暴警員涉嫌用警棍無差別襲擊示威者同其他乘客，又噴胡椒噴霧，至少7人受傷。警方在此事件中的行動被批評係無差別攻擊市民或過度使用武力，有人將事件視為“元朗襲擊事件的警察版”, 「屍殺列車」.[1]
警方深夜開記招，形容831係「香港經歷浩劫」，又指示威者「喬裝市民」，並堅持武力恰當，重申會追究示威者.[2]
事後有傳有人喺事件中死咗，就算特區政府、警務處同埋醫院管理局聲稱冇噉嘅事，都重有大把人對「八三一打死人」嘅傳聞深信不疑，同埋連續多日喺太子站外搞悼念活動。政府及港鐵雖然受到民間嘅輿論及訴訟施壓，但係始終拒絶畀人哋睇閉路電視影片，而只係揀咗少量定格畫面嚟公開；唔少大眾因此認為，冇公開嘅畫面確實記錄咗殺人過程。
同年10月底，香港民意研究所同香港中文大學分別都就「八三一打死人」嘅傳聞做過調查：前者結果顯示有48%受訪者「好贊成」或者「幾贊成」有死過人嘅講法；後者結果顯示有52%受訪者認為有死過人嘅講法「絕對真確」或者「應該真確」[3]。
同年11月底，民間網媒傳真社事後訪問過當晚47名被捕者，包括6名網傳「遇害」者，同時透過其他被捕者互相核證說話內容，證實所謂「死者」都係响清醒狀態下被送去醫院或者警署。[4]傳真社同時發現，事件發生三個月以嚟，警方回覆傳真社嘅被捕人數同傷者人依然次次都有出入[5]。
之後香港有許多民眾自主聚集係太子站前獻花、哀悼紀念831事件週年，亦有大量警方在旺角至太子一帶四處截查行人, 2020 國安法實施後, 警方以「非法集結」拘捕他們, 警評一周年已漸趨「淡靜」.[6] 但事實上, 831 紀念活動己發展為國際活動.
後續
編輯2021年國安教育日小學生玩具槍風波
編輯喺2021年國安教育日，香港警察學院開放咗一啲場地俾公眾參觀，其中喺模擬港鐵車廂嘅場地入面，有小學生被影到用玩具槍指住其他同學，事件引起公眾嘩然，有媒體形容當時嘅情況就好似重演八三一太子站恐怖襲擊事件咁樣。資深傳媒人區家麟形容事件係震撼教育[7]，八仙嶺大火倖存者張潤衡亦批評事件離譜，提及喺氣槍射擊訓練入面，學員會被教導接觸槍枝之前，就算係玩具槍都唔可以用來指住人，就算小學生無心，但在旁嘅警察亦應該阻止。但警察並無咁做，質疑警察係無知定係殺戮成性[8]。
文化影響
編輯呢件事引起全球唔少關注，當中警察襲擊市民嘅片段喺唔少演藝作品都有收錄，例如電影《香港本色》[9]同埋方皓玟歌曲《人話》嘅MV[10]。
睇埋
編輯參考
編輯- ↑ 〈831香港再現「屍殺列車」：港警無差別毆打市民，太子站車廂染血 - 報導者 The Reporter〉。www.twreporter.org (臺灣中文)。喺2024-09-02搵到。
- ↑ 陳潤南, 黃鳳儀, 羅家晴, 莊恭南, 吳倬安, 李偉欣, 彭毅詩, 麥凱茵, 胡家欣, 賴啟燊, 梁祖饒, 陳信熙 (2019-08-31)。〈【8.31遊行．全日總覽】警方：港經歷浩劫 太子站行動屬適當武力〉。《香港01》 (香港中文)。喺2024-09-02搵到。
- ↑ 〈831民調：香港人信唔信「警察有打死人」？〉。原著喺2019年11月5號歸檔。喺2019年12月1號搵到。
- ↑ 【太子831】訪問6名網傳「遇害」人士 全部清醒帶返警署或送院
- ↑ 【太子831】調查兩個月警方點算站內人數仍有出入 部分被捕人士太子站上警車未曾公布
- ↑ 陶嘉心 (2021-08-31)。〈831兩周年｜警派員戒備候命 一個太子站 兩年光景 三種場面〉。《香港01》 (香港中文)。喺2024-09-02搵到。
- ↑ 〈給香港人的國安震撼教育 | 區家麟〉。《眾新聞》 (中文)。原著喺2021-04-20歸檔。喺2021-04-20搵到。
- ↑ 〈談國家安全，香港早就不安全了！ | 張潤衡〉。《眾新聞》 (中文)。原著喺2021-04-20歸檔。喺2021-04-20搵到。
- ↑ 〈德人執導反送中電影《香港本色》 國際影展獲肯定〉。《Rti 中央廣播電臺》 (中文)。喺2022-03-15搵到。
- ↑ 《方皓玟 - 人話 (Explicit Content) [Official Music Video]》 (英文)，喺2022-03-15搵到
