攝太歲

  提示：呢篇文講嘅唔係攝·太帥。

攝太歲，有指正字係楔太歲，係唐人傳統習俗，因為每年太歲都會同一啲生肖（譬如嗰年嘅生肖）相沖，即係犯太歲，所以就要搵方法去化解，而呢種方法就係攝太歲。「楔」一作誤字「攝」。

楔太歲通常都會去廟做，如果唔方便亦可以響屋企拜太歲。各間廟楔太歲都有唔同方法，簡單嘅只係將「太歲表」放入收集箱就得，複雜嘅要準備「太歲衣」嘅衣紙去燒衣，上面要寫自己名同八字，又要帶生果祭品，廟入面嘅太歲神都要逐個拜。