肉靈芝俗稱太歲，係一種未知詳細組成，可能含有細菌、黏菌等生物嘅物體。佢嘅存在、作用同影響喺生物學界一直有爭議，一般發現者都形容佢好似一嚿肉。目前中國民間傳說認為，呢種「太歲」就係古代傳說中喺地底下挖出來嘅「太歲神」。太歲喺好多中國小說入面都有零零散散嘅記載。喺中國古代，秦始皇派過人三次揾呢種常人所稱嘅長生不老藥。人們推測挖出來嘅肉靈芝係一種「特大型罕見黏菌黏菌複合體」，可能就係《本草綱目》入面嘅「視肉」、「肉芝」，係一種蕈類，含有特殊嘅氨基酸。
