太空垃圾

太空垃圾（粵拼：taai3 hung1 laap6 saap3；英文：space junk / space debris）係指存在太空當中嘅廢棄人造物體，尤其係存在喺地心軌道（Earth orbit；指環繞地球公轉嘅物體嘅軌道）嗰啲。常見嘅太空垃圾包括咗廢棄嘅人造衛星同火箭等。

一幅用電腦模擬出嘅圖像；白色嗰啲點點代表圍住地球轉嘅太空垃圾。

歷史

喺冷戰期間，美國同蘇聯進行太空競賽，發射咗好多人造衛星同火箭，呢啲物體喺用完報廢之後就成為太空垃圾，圍住地球轉。

危險

由於太空垃圾以高速環繞地球，所以喺火箭發射升空嗰陣會有機會撞到呢啲太空垃圾，造成危險。而如果太空垃圾多得滯嘅話，人類可能會變到冇辦法安全噉將火箭發射升空，導致人類可能無法再向太空進行探索。