夾萬，古時又叫甲萬[註 1]或夾板，係一種保安設備，通常擺響屋企、舖頭、寫字樓呢類私家地方。夾萬會擺啲值錢嘢，例如寶石、貴金屬、現錢，又或者重要嘢，例如遺囑、屋契。
啲人好興用夾萬儲住投資用嘅貴金屬（例如黃金）。
用「夾萬儲起啲貴金屬」呢種做法，喺某啲情況下可能唔啱用：例如可能一位投資者住喺租返嚟嘅地方，包租方唔准佢鑲個夾萬喺牆或者地板上面；而且喺某啲地區，擺一個夾萬喺屋企可能會有天災相關嘅憂慮。
