奶粉

奶粉係粉末狀嘅固體奶製品，由動物奶脫水、整乾而成，食之前用水開返成溶液就可以。奶為液體，多水，無咁易保存，奶粉就容易得多。脫水奶製品體積同重量都細好多，方便運輸，唔使雪藏，放嚮陰涼處就可以。

奶粉

奶粉有好多隻營養成份，分別設計畀後生仔女、老人家、細路同蘇蝦仔。

畀啲蘇蝦仔食，叫嬰兒奶粉，專門做到容易畀孲仔腸胃消化，亦添一啲嬰兒所需嘅營養。

另外，奶粉又係其他食物嘅原材料，例如麥提莎、好立克咁。

製法

現今製法，首先啲奶，以巴斯德消毒法，殺死細菌。之後揮發一半水份，變成濃縮一倍嘅奶固體。奶固體撒入熱爐，水份即時揮發晒，淨低奶粉。

經過熱力，奶嘅性質會有所改變，就算溶喺水，同原本嘅奶都唔同。