奶茶聯盟

奶茶聯盟（粵拼：naai5 cha4 lyun4 mang4，英文：Milk Tea Alliance），係一個因中泰網絡罵戰而衍生出嚟嘅社交網路虛擬概念。呢個並唔係喺政治社會裏面具有實際功能嘅團體組織，主要指代2020年4月時泰國、臺灣、香港等幾個民間社交網路嘅友好聯盟，主要目標係互相聲援對方爭取民主、自由嘅社會運動。

網民整嘅奶茶聯盟旗（旗嘅色水由左至右依次代表泰國奶茶、香港奶茶同埋台灣奶茶）

「奶茶聯盟」地圖（印度喺唔少情景上亦被歸納為聯盟一員）

背景

Weetaya喺Twitter轉發咗寫到武漢肺炎嘅一篇文，班粉紅就集中咁湧到社交平台挑起罵戰，上腦話係台獨言論，引起泰國、臺灣、香港等多地網民相繼加入，共同對峙擁護北京嘅粉紅陣營。雙方主要係透過memes，喺Twitter交鋒。混戰中雜合埋中國大陸同鄰國嘅陳年糾葛，好似部分東南亞民眾，就表達咗對中國大陸主導嘅湄公河水壩工程長久嘅不滿。有啲中國大陸網民就以侮辱泰王同埋NMSL （國語拼音「你媽死了」嘅縮寫）還擊。

名

開初未有過呢個名，後尾經發掘共通點時，發現幾個地方都係有各自獨特嘅奶茶習慣同文化（分別係臺灣嘅珍珠奶茶、香港嘅絲襪奶茶同泰國嘅泰式奶茶），從而民間開始有咗呢個稱呼。

各國嘅官方回應

中央通訊社響2020年8月18號翻譯路透社嘅報導中，台灣外交部發言人話台灣尊重奶茶聯盟對泰國政治情勢發展嘅評論同立場，但係台灣本身冇採取任何立場。而中國外交部發言人就話，支持香港或台灣獨立嘅民眾通常透過網路串通，呢啲唔係新鮮事，但佢哋嘅計謀絕對唔會成功。而泰國同香港政府就冇就「奶茶聯盟」嘅活動評論。

睇埋

• 武漢肺炎大爆發
• 湄公河
• 中泰網絡罵戰