珍珠奶茶
珍珠奶茶（pearl milk tea），又叫粉圓奶茶（Tapioca (ball) tea）、波霸奶茶（B(P)oba milk tea），簡稱珍奶，係一種1980年代喺台灣發明同廣傳嘅茶類嘢飲，係臺式嘢飲嘅一種，亦係泡沫紅茶（Bubble tea）、珍珠茶飲文化中嘅一支，將「粉圓」（「珍珠」，Tapioca ball）加入香醇嘅奶茶度，而且重有「珍珠紅（綠）茶」、「珍珠奶綠（茶）」等變種，由於口感特殊，所以受到廣大歡迎同回響，亦成為台灣最具代表性嘅嘢飲同小食之一，多年來，已經由台灣流行到東亞、歐洲、美國甚至中東國家等地。
粉圓（珍珠，波霸）嘅主要成份係澱粉，通常由太白粉，即木薯（樹薯，Cassava）嘅木（樹）薯粉（Tapioca），亦有以番薯粉、薯仔粉等或啫喱等所製成嘅直徑5～10毫米（mm）嘅澱粉球，並加水、糖同香料，佢嘅顏色、口感依成分唔同而有唔同。
