姚躍生英文Manson Yiu1985年—),花名「阿生」,係香港泛民主派人士,地區組織「大埔民主聯盟」成員,大埔區議會康樂園選區前任議員。

姚躍生喺2019年第6屆區議會選舉參選大埔康樂園選區,最後打贏鄉事派鄧銘泰,成功當選,但到咗2021年5月17號,佢喺facebook宣佈劈炮,表示身體同精神狀態都出現問題,兼且走下坡,無法繼續做區議員,同時為未能完成任期而向康樂園選區街坊講聲對唔住。